قلت اسلم عليك بئا كلها كام ساعه واتكل ع الله
وبالمناسبه ارخم عليك شويه 
زى مبيقلك ان الناس دايما شايفه الفقر فقر فى الفلوس انت ايه رايك ؟؟ ومثلا لو اتجوزت او بلاش دى يعنى اللى هتفكر ترتبط بيها هتبقى مهتم بحكايه التكافؤ المادى ؟؟
--أولا الفقر فقر النفوس .. وفقر النفوس ده ممكن يكون واحد عنده بليون جنيه ومش راضي
والله ما هيستفاد بيهم
انا اعرف واحد عنده 56 مليون جنيه كان شغال مع والدي
اقسملك بالله ما راضي بيهم وعايش مش سعيد ومقضيها هلس
بالنسبه للبنوتة
فهختارها علي الاقل قريبه مني
وشرط القرب اني اكون انا أعلي شوية
بقلك موضوع انك تعمل كتاب ده بجد فكر فيه واول متنزله قول يأما 
هيبقى بجد جامد جدااا .. بس مش عاوزين اسعار عاليه 
ههههههههههههههههه ان شاء الله عن قريب وربنا يسهل تقريبا ممكن تكون دار نشره
دار " حوار "
سمعتك او شفت كلام من كام صفحه انك حبيت بستغرب اوى يعنى .. انت شايف انك مش صغير ودى تانى مره اشوف الرد ده هنا ؟؟
وليه مفسره دايما الحب علي اساس انه حب كابلز ؟
لاء كان حب وارتباط روحي
وبصديق
وندمت اني حبيته واديته قدر اكبر من حجمه
افهموا صح بقي
فى مقوله لبرنارد شو بيقلك الحب يستاذن قلب المرأه اما الرجل فانه يقتحم قلبه دون استئذان .. وهذه هى مصيبتنا((مصيبتكم يعنى))
هو كان رد ع كلمه مفكرتش قبل كذا
هههههههههههههههههههههه اه ياباشا بس الكلام ده كان من فتره قصيره مش كتير
شكلك مش متابعه علي الساحه
بقلك كان فى حاجه سعيد بيعملها اول ميلاقى سؤال مكرر بيقول تحتيه مكرر :d
هههههههههههههه الاخت العزيزه ياسمين
اخوكي عنده ظهايمر ياماما
صاحب ذاكرة فولاذيه
يعني الحاجة اللي بقولها بنساها
لو هنتكلم عن الحكومه الكميله بتاعتنا انت شايف العيب مننا عملا بالقول
الذئب ماكان ليكون ذئبا لو لم تكن الخراف خرافا
ولا هو عيب مشترك
بصي كان احمد مطر قال
قلت للجنى أبدل كل أصحاب الصروح الفاسدة
قال لى : ما الفائدة ؟ سوف يأتى مثلهم أو ربما أكثر منهم مفسدة
إنما تختلف الأسماء لكن المعانى واحدة
قلت مالحل اذن ؟
قال بسيط لو غدت آمالكم فى ذاتكم منعقدة
واذا لم تطلبوا من ماردٍ تخليصكم من مَرَدَه
أيها الإنسى لا حل سوى ان تصبحوا ناساً
فلن تعتدل القمة حتى تستقيم القاعدة
فى جمله بحبها اوى هناك اناس يسبحون فى اتجاه السفينه وهناك اناس يضيعون وقتهم فى انتظارها
انا واخده بالى انك من الناس اللى ماشيه ناحيه السفينه دى .. بس فرضا يا احمد فضلت تعوم شويه وموصلتش لحاجه هتعمل ايه هترجع للشط تانى ولا هدور فى اتجاه تانى
بصي انا في المواقف دي بتكون مجازفه بقي
هكمل وصلت وصلت موصلتش خلاص بالسلامه
بس هكمل مادام انا مقتنع اني ماشي في الطريق الصح
ومش بغضب ربي
انت كاتب ان من هوياتك..القراءه
انت شايف فعلا ان القرايه هوايه ولا هو عشان مجتمعنا بدأ يتخلى عن موضوع القرايه ده
يعنى انا دايما بحس انها حاجه تتعمل من غير منقول عليها هوايه يعنى هى شيء طبيعى
جميل اوي السؤال ده .. بس هيا فعلا هواية .. لكن ممكن الواحد يتقلي التعليم الذاتي عن طريق الاستماع .. لذلك فتعد القراءة هواية
بالمناسبه بحب البلد اللى انت عاوزها ..........اى بلد هتقدرنى هتعتبرها بلدك .. حاسس انك ممكن تنجح برا ولا هو كنوع من المغامره لانك عارف ان فرص النجاح هنا تكاد تكون معدومه
لاء انا حاسس اني لو اتعلمت هناك مع اللي معتقد انه عندى هبقي كويس ان شاء الله
العتاب قبل العقاب بطبقها فى حياتك ولا لع ؟؟
بطبقها طبعا طول حياتي
فى حاجه الصراحه بكرهها بس عاوزه اسمع رايك فيها بيقلك لو كنت فى بلد العوران فاغمض عينك الثانيه شايف ان كده صح ولا ايه يعنى لو اللى حواليك ماشي فى اتجاه وانت عكس التيار هتعمل ايه
بصي بقي اخوكي نظامه ايه .. احمد رضا في بلد العوران
طول ما ماحدش باصص عليا بفتح عيني الاتنين
لما حد يبصلي
افتح عين واحده بس
لو معديين علي باب ومش بيعدي منه غير العوران
هغمض عيني التانيه
لو ماشيين عادي
هفتح عيني الاتنين
اهم شئ بقي
اني بعرف افتح عيني واقفلها
بمزاجي
مش مخلوق اعور
احم واخر حاجه بئا اهلاوى ولا
هههههههههههه لا اهتم بكرة القدم مطلقا ً ومش بشجع ولا الأهلي ولا الزمالك ولا اي حاجة
علي فكرة لو انتي ماشيه فعلا ومش جايه تاني
فهنفتقد اخت بجد محترمه جدا
ربنا يوفقك انتي كمان
في رعايه الله