قلت اسلم عليك بئا كلها كام ساعه واتكل ع الله
وبالمناسبه ارخم عليك شويه 
زى مبيقلك ان الناس دايما شايفه الفقر فقر فى الفلوس انت ايه رايك ؟؟ ومثلا لو اتجوزت او بلاش دى يعنى اللى هتفكر ترتبط بيها هتبقى مهتم بحكايه التكافؤ المادى ؟؟
بقلك موضوع انك تعمل كتاب ده بجد فكر فيه واول متنزله قول يأما 
هيبقى بجد جامد جدااا .. بس مش عاوزين اسعار عاليه 
سمعتك او شفت كلام من كام صفحه انك حبيت بستغرب اوى يعنى .. انت شايف انك مش صغير ودى تانى مره اشوف الرد ده هنا ؟؟
فى مقوله لبرنارد شو بيقلك الحب يستاذن قلب المرأه اما الرجل فانه يقتحم قلبه دون استئذان .. وهذه هى مصيبتنا((مصيبتكم يعنى))
هو كان رد ع كلمه مفكرتش قبل كذا
بقلك كان فى حاجه سعيد بيعملها اول ميلاقى سؤال مكرر بيقول تحتيه مكرر :d
لو هنتكلم عن الحكومه الكميله بتاعتنا انت شايف العيب مننا عملا بالقول
الذئب ماكان ليكون ذئبا لو لم تكن الخراف خرافا
ولا هو عيب مشترك
فى جمله بحبها اوى هناك اناس يسبحون فى اتجاه السفينه وهناك اناس يضيعون وقتهم فى انتظارها
انا واخده بالى انك من الناس اللى ماشيه ناحيه السفينه دى .. بس فرضا يا احمد فضلت تعوم شويه وموصلتش لحاجه هتعمل ايه هترجع للشط تانى ولا هدور فى اتجاه تانى
انت كاتب ان من هوياتك..القراءه
انت شايف فعلا ان القرايه هوايه ولا هو عشان مجتمعنا بدأ يتخلى عن موضوع القرايه ده
يعنى انا دايما بحس انها حاجه تتعمل من غير منقول عليها هوايه يعنى هى شيء طبيعى
بالمناسبه بحب البلد اللى انت عاوزها ..........اى بلد هتقدرنى هتعتبرها بلدك .. حاسس انك ممكن تنجح برا ولا هو كنوع من المغامره لانك عارف ان فرص النجاح هنا تكاد تكون معدومه
العتاب قبل العقاب بطبقها فى حياتك ولا لع ؟؟
فى حاجه الصراحه بكرهها بس عاوزه اسمع رايك فيها بيقلك لو كنت فى بلد العوران فاغمض عينك الثانيه شايف ان كده صح ولا ايه يعنى لو اللى حواليك ماشي فى اتجاه وانت عكس التيار هتعمل ايه
احم واخر حاجه بئا اهلاوى ولا
يلا .. مهمتى هنا خلصت
يالتوفيق فى حياتك العلميه والعمليه باذن الله
آخر تعديل بواسطة COoL HEaRT ، 03-10-2008 الساعة 07:45 PM
|