اقتباس:
المشاركة الأصلية كتبت بواسطة eman nagib
الى محمد او العقرب القاتل
حد قالك قبل كده انك سكر ودمك خفيف جدا ؟؟؟؟؟
بجد انت جميل اوى
انا بجد بشكرك جدا على الاجابات اللى انت مش بتبخل بيها على حد
وبالذات حوار وصف الطريق
على فكره انا ان شاء الله هسلك الطريق اللى هو انزل ف رمسيس واركب ميكروباص بيقول معهد معهد
وعلى مسؤليتك
بس على فكره يامحمد فى ناس قالتلى انه نادر لما يجى ميكروباص رايح المعهد
بس المشكله ان ده اسهل طريق ليا
انت ايه رايك ؟؟؟؟
|
بصي يا ستي عاوزه تقوليلي يا محمد ماشي عاوزه تقولي يا عقرب القاتل ماشي عاوزه تقولي بوشكش ماشي
قولي ما بدالك يا قمر
وبصراحه ومن غير زعل في واحده قالت ليه اني سكر ودمي خفيف جدا
بس اسمها بصراحه احلى اجمل ايمان
------------------------------------------------------------------------------------------------------
وبخصوص الطريق انا كمان بروح من الطريق ده لانه الاسهل
وتعالي هنا فهميني مين الي قال ان ميكروباص المعهد من الرمسيس نادراً
حرام عليكي
دا انتو جننتونا
الشباب يا عيني عليهم وانا معاهم بينكون واقفين في عز الشمس مستنين العربيه مش معنى كدا ان ما فيش عربيات
لالالالالالا
العربيات كتييييير ولاكن للبنات فقط
شوفتي بقى ياستي الظلم الي احنا بنعاني منه يرضيكي كدا
كل العربيات للبنات فقط فقط فقط
وممكن ربنا يكرمنا ونلاقي عربيه للشباب بس ده طبعاً لما راسنا توروم ويجلنا شلل اطفال وكسااح بدري
وانا تحت امركم كلكم لو عاوزين اي حاجه تانيه انا في الخدمه