30-09-2008, 04:15 PM
|
 |
طالبة جامعية ( كلية السن )
|
|
تاريخ التسجيل: Jun 2006
المشاركات: 753
معدل تقييم المستوى: 0
|
|
بسم الله الرحمن الرحيم
ده عشان الواحد بيفتكر انه لما يتكلم انجليزي في النص الناس هتقول عليه واد مثقف بقى و بيفهم .. 
بس ساعات بيبقى كلام الناس ده تعود مش فزلكه ولا حاجه ..
اصلاً معظم اللي بيحاول يتفزلك تلاقيه بينطق غلط اصلاً !
اللغه العربيه هي الأصل .. و المفروض إنها لغتنا الرسميه
و احنا لو فضلنا نتكلم بلغتهم دي .. يبقى اللغه العربيه بتاعتنا دي راح تختفي ..
احنا اللي نزلنا من مكانة لغتنا .. بإننا خلينا اللي يتعامل معانا احنا اللي نتعلم لغته مش احنا اللي نتعلمها
بجد ربنا يشفي ..
احنا اللي ضيعنا لغتنا بإيدينا ..
لإننا تلاقي في نص كلامنا .. كلام عربي انجليزي هتقولي ازاي يعني
هقولك زي (نستب البرنامج .. نسيف الفايل .. , إلخ)
و لو قولت لحد انا (عايز احفظ الملف) هيقع م الضحك
و لو قولت لحد مش معايا رصيد في الموبايل هيقع م الضحك برضو و يقولك
(ياااااااي .. انت صعيدي !! , ده اسمه الكريديت)
ربنا يهدي
شكراً للموضوع
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|