بسم الله الرحمن الرحيم
السلام عليكم
ازيك يا بيوب؟
فاكرني؟؟ اكيد لأ طبعاً
لإني مش باينه في الآفاق (حلوه الآفاق دي) بقالي كتير 
نبدأ بسم الله
* انت مانفسكش تقول لحد فى المنتدى هنا من كل قلبك كده وانت تقصدها (انا بكرهك) مش لازم تعرفنا مين العضو ده.
مش من عوايدي اني اكره حد بمعنى كراهيه و عداوه بقى
اسمها مش بستظرفه او كده
و اكيد فيه حد كده و بصراحه عددهم اتنين بس 
* فيه دلوقتى بيان رسمى من مجموعه اجتماعيه بتدعو لحذف قسم جرس الفسحه انت موافق ان القسم ده يتحذف؟
يتحذف لإنه بصراحه سبب لي حاله نفسيه بشعه من كتر الكلام عليه
* انت لو عيان وهتاخد حقنه (عضل ) مين فى الشخصيات دى تحب يديلك الحقنه مع العلم بانهم كلهم يقدروا (واحد صاحبك/باباك/مامتك/حد من اخواتك/واحد دكتور ما تعرفوش)
خليها اخويا لإنه دكتور و بيعرف يدي حقن كويس وكمان انا هتحايل عليه و اقوله لالا بلاش تديني حقنه
لإنه مره كان المفروض اخد حقنه .. بس ما شاء الله عملت له فضيحه في العياده بتاعته
و كلهم قالوا مش معقول دي تكون اخت الدكتور بس على ايه هو كمان بيخاف منها و بيخاف من العمليات مع انه هاري العيانين الحمد لله
*هل انت مقاطع للمنتجات اللى بيقولو عليها يهوديه او امريكيه علشان تساعد فلسطين فى الانتفاضه؟
اها .. و بدعو لكده كمان
* امتى اخر مره عيطت من قلبك؟
إمبــارح بالليل ..و ياريت مش تفكرني لإن كانت حالتي تصعب عالكافر
و كويس مش بتسأل ليه 
لإنك لو سألت مش كنت هقولك .. رخمه انا
==
شكراً للموضوع يا بيوب
و اسفين عالتأخير .. بس كنت مخنوقه حبتين من مود المنتدى و المشاكل اللي حصلت
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|