بوابة الثانوية العامة المصرية - عرض مشاركة واحدة - من قال لا اعلم فقد افتى ( متنفعش مع المصريين)

marwa.m · #3 23-09-2008, 08:50 PM

اقتباس:

المشاركة الأصلية كتبت بواسطة د/ ماجدولين

أقولك اية بس يا بنتى جيتى ع الجرح

لسة من قريب كدة كنت عاوزة أروح من كلية الطب لكلية الحقوق عندنا فى الجامعة
وبرغم من ان المسافة ربع ساعة مشى إلا أن الموضوع استغرق ساعة بفضل فتاوى الشعب المصرى

واللى يوقولى
اركبى المترو

.....لأ ممكن تمشيها

.......خدى تاكس أحسن

وبعد كدة يا بنتى........والله اتنقطت بجد

ومش دى بس
خدى عندك مثلا لما مجلبس الشوى ولع
شوفى تعليقات وتحليلات واستناجات العباقرة المصريين

اللي يقول السبب ماس كهربي والتاني لاء ده عضو من مجلس الشوري كان بيدخن ورمي السجارة والتالت اللي يقسم باغلظ الايمان انها مدبرة وان الحكومة بتحاول تداري

...
والكل بقى محقق جنائى

والطريف فى الموضوع يا مروة
ان حكاية ان الشعب بيفتى دى

ليها مرجعية تاريخية

بصى كدة
عندما رأى عزيز مصر الرؤيا التى تٌنبأ بالمجاعة وسأل حاشيتة
ماذا كان ردهم

(قالوا أضغاث أحلام وما نحن بتأويل الأحلام بعالمين)
يعنى هما .........أفتوا الأول.......واشبعوا نزعتهم النرجسية
وبعدين قالوا ......مش عارفين

طب لما أنت مش عارف
بتفتى لية

فعلا والله...........قليل أووووووووى لما نسأل حد ويقول مش عارف
ومصر تستحق وعن جدارة لقب
((جمهورية الفتوى))

منورة يادكتورة
طمنينى عرفتى تروحى الحقوق ولا ودوكى تجارة

حلوة جمهورية الفتوى دى وهنبقى

تحيى جمهورية الفتوى العربية

مرسى لمرورك وربنا يوفقك