برضه حاجه لبيرم التونسي بيتكلم فيها عن مواصفات فتاه الاحلام
جدع معلم قال لخالتك ام هلال
شوفي لنا بنت حلال تكون لطيفه وعال
بنات كتير حلوين عند أهلهم قاعدين
مابين طبيخ وعجين وبختهم بطال
عايزها لحم فصوص مش عود قصب ممصوص
ومحربقة بعصعوص وعامله روحها غزال
عايز قوام يتهز ان دزيتيه يندز
وفي كل مفصل حز يفكرك بهلال
عايز نتايه صحيح من ربع شمعه تسيح
مهوش بشكل قبيح لكن بذوق ودلال
عندك بنات جمالات مقلوظين نتايات
ودمهم شربات يسكر نسا ورجال
تحققي في الزين البنت ترخي العين
دي مهرها الفين احطهم ف الحال
اما اللي عامله سبور وجلدها بلفور
وعايزه واد دكتور خساره فيها ريال
ولا اللي عامله اله وشعرها قصاه
وباكسجين صبغاه دي تجلب الاسهال
وان جبتي واحده بكرش م الحمير متغيرش
مانيش واخدها بقرش واحط فوقها شوال
مؤكد طبعا ان فيه اخطاء لاني كنت ناقلها بخطي وبصراحه مش عارف اقراه
ومؤكد برضه ان المعايير اختلفت كتير اوي وخصوصا المهر ابو الفين دا