[براءة]

المشاركة الأصلية كتبت بواسطة travel

(-3-)

ببص انا وهى على الجدول
لاقيت ناس غريبة
4 واقفين عاملين زى السلم الموسيقى
واقفين بترتيب طولهم من الاطول والاضخم الى الاقصر والمسلوع
انا شفتهم اتخضيت
غير كده الطلبة هناك طوووووووووويلة اوى
تلاقى 7 طوال واقزام حواليهم
والمنظر العام مش ظريف

ههههههههههههههههههه ايوه بالظبط يا جماعة ده كده نظرة ايجابية عن اللى كان موجود كمان

وعلشان اوصل للجدول لازم عملية انتحارية
حد يفجر نفسه علشان الامم دى تبعد وتخلص حبة
(كان نفسى كده حد ابن حلال زى اسلام (المرشد) يشخط شخطة يخليهم يختفوا)

ملقيتيش غير الواد اسلام
انا كان ممكن اشخط ع فكرة بس محدش كان هيسمعنى

انا وريما بصينا لبعض مفيش امل انه يتنقل
ده علشان يتنقل ونعبر وسط التتار ده محتاجين سلم مطافى ولا قمة الاهرامات علشان نشوف شكل الجدول بس
مش يتنقل كمان
وانا وهى اصلا كنا مكسلين
نقلناه فى الاخر فيديو
اوعوا حد يقلدنا الحقوق محفوظة لريما اند زوزو
احدث طريقة فى تسجيل الجدول
المهم سرحت انا وهى بقى
فضلنا نمشى مع بعض ونرغى
وماشيين ورا جروب كده بيدور على المعمل
وانا وهى شغاااااااااال (رغى) مبيفصلش
احنا اساسا مفتكرش اننا قعدنا دقيقة ساكتين
كاننا نعرف فعلا بعض من 20 سنة
(يعنى اكبر من سنى وسنها)
هههههههههههههههههههه
شخصية مرحة جداااا
ولذيذة اووووووووووووووووى
مش هرد علشان بتكسف بس البت دى بكاشة طبعا
المهم بعد ما لفينا كتيير ودخلنا بقى المحاضرة
اولا مفيش دكاترة بتعبرنا
كلوا كان لسه نايم محدش بيفكر انه يصحى
المهم انا وريما قاعدين جنب بعض
ريما بقى عملت ايه؟؟
شوقتينى
لسه بعمل الموب (صامت)
لاقتها عرفت اول مدرجين من قدام
واول مدرجين من ورانا
انتى اللى ايقاعك بطئ
كل ده فى 10 دقايق بس
انا بصتلها استغربت طبعا اللى بيتعرف عليها
انا كمان معاها
واتغلنا رغى مع اللى عرفناهم
وهى مكتفتش بيهم لسه كانت بتكمل باقى المدرج
احم احم
والله يا جماعة ده انا اتعرفت ع كام بنت كده قليلين جدا
للأسف فضلوا يشدوا فيا علشان اروح المعمل
سبت البنات بقى وعلى وعد انى راجعالكوااا تاااااااااااانى
واحلى حاجة فى الموضوع ان زينب كانت عمالة تضحك عليا dnt knw y
لولا بقى ان فى واحدة قالت ان بتوع قسم الفيزيا مش مكانهم هنا
كانت عرفت المدرج كله وطلبة علوم كلهم اللى معانا واللى مش معانا
لا مكنتش هتعرف على المدرج كله علشان فى اولاد يع يع
خرجت انا وهى
ورحنا للمعمل
تقريبا هو يقال عليه معمل
اه مشروع
دخلت انا وهى وواحدة عرفناها من المدرج السابق
قعدنا عادى على البنش
لاقيت ريما واخدة الكرسى بتاعها ورايحة تقعد على البنش بتاع المعيدين
ما انا قلتلك مبحبش حد يعمل عليا نااااصح
وتنده عليا انى اققعد جنبها...ابدااااااااا
قلتلها هديكى جنيه وافقت على فكرة
فى الاخر هى اخدت الكرسى بتاعى وقعدتنى جنبها
شكلك كان مكسوف معرفش من ايه
والمعيدات اشتغلوا رغى وفتحوا على السابع مع البنات
بنات ايه بس .. خلينى ساكتة
وريما كل شوية فى النص تنط بسؤال وتنام
والله كنت ماسكة لسانى اصلا بالعافية
كويسة انها جت ع الكام سؤال والتريقة دول
بس الحمدلله اخدت كام بصة من كام بنت
زى السكر بصراحة كانوا هيقوموا يعضونى او حاجة
بعدين تقولى انا عاوزة انام اقولها (مى توووووووو)
جت واحدة صحبتها ودخلت
هى مش عارفة ان اللى واقفين دول معيدات
قامت معدية من وراهم وعدت من على البنش بتاعهم
وجت قعدت جنبنا
شايفة البنات الشجاعة
مش تقوليلى بخاف وبتاع

(يتبع)

كملى شوقتينى