احم احم
هبدأ من نقطة الصفر
خرجت من بيتنا 6 الا ربع
وصلت الجامعة 8 او 8 الا مش فاكرة
المفروض كنت اقابل سوستى (اللى هيا زينب(اللى هيا ترافيل))
على باب الجامعة
لكن كان معايا واحدة مش عارفة مكان جامعتها فرحت ادورلها عليها .. بحب اخدم وكده
المهم
شوية وزينب وصلت وهددتنى لو مجيتلهاش ع البوابة حالا حالا
انا بصراحة خفت موت ووعدتها فى خلال نص ساعة هكون على باب الجامعة
البنت زهقت منى وقالتلى بقولك ايه انا هروح كليتنا وهستناكى
قلتلها يا ترى هتعرفينى
قالتلى اه طبعا وعيب عليكى وبتاع
احنا كنا قايلين لبعض عن لون لبسنا
رحت الكلية لقيت واحدة بنفس المواصفات وماسكة الموبايل وموبايلى بيرن
قمت كنسلت وانا بضحكلها
قامت بصت الناحية التانية .. وحسيت بجد انها شايفة واحدة هبلة بتضحكلها مثلا
وقامت رنت عليا تانى
رحت بقي حطيت موبايلى جنب ودنها ( بقولها اللى انتى بترنى عليها جنبك اهى)
قامت بصتلى شزرا ومشيت وسابتنى
قولتلها انا اهو يا بنتى حرام عليكى
وبعد ما سلمنا تسليم على بعض تسليم حااااار جدا سربت البت صاحبتى اللى ف كلية تانية
وانطلقت انا و سوستى بقي وايدها ف ايدى
..............
يتبع