بجد موضوع جميل يا رحمة
مبدأيا فى حاجات كتير من اللى انتى قلتيها صح وفيها حاجات طبعا هناقشك فيها
وهعمل اقتباس لنقطة نقطة بعد اذن سعادتك واعلق عليها
اقتباس:
|
(1) هل نحن على دراية بما يحدث
|
انا معاكى فى حتة ان الشباب بيتفاخر بذهابه للسينمات والقهاوى والاماكن اللى ملهاش لزمة ودى اصلا حاجات غلط وان مفروض الشباب يعرف ربنا كويس ويبعد عن الحاجات دى
وبالنسبة لنقطة الكارتون انا مش متفق معاكى اوى فيها لانك واخدة موضوع الكارتون بنظرة غريبة شوية
لان مش كل الكارتون فيه رسومات غريبة ومشوهة
وبعدين الاطفال بيشوفوا الكارتون بهدف التسلية ومبتبقاش فى دماغهم حتة التشوه وتغير الخلقة دى لانهم فى الكارتون بيجبوها بطريقة كوميدية للتسلية بس
وبعدين مش كل الكارتون وحش فى كارتون مثلا زى توم وجيرى يعلم الاطفال استخدام المخ والتفكير كارتون مثلا زى بكار بيعلم الاطفال الاخلاق والقيم وكده
انا معاكى فى الحتة دى وان مش المفروض نشجع الناس والاطفال على فكرة الانتقام دى
لان لو فكرة الانتقام دى او الكره انتشرت بين الناس فى مجتمع فده اكيد معناه نهاية المجتمع وانعدام التقدم
اقتباس:
|
(3) ليه بايدى اقول انى مش كويس
|
انا معاكى فى الجزئية دى ولكن ده طبعا ميمنعش ان فى ناس مثلا ملتحية او بنات محجبة او منقبة وتلاقى اخلاقها وحشة لان لكل قاعدة شواذ
اقتباس:
|
(4) ايه علاقة النظام بحياتنا ؟؟ لا ش
|
انا معاكى طبعا فى حتة انعدام النظام فى مجتمعنا والعشوائية اللى مالية الدنيا وللاسف انعدام النظام بقى فى كل حاجة فى حياتنا وانا نفسى نبقى مجتمع منظم زى المجتمعات الغربية كده لكن الظاهر انى بحلم
انا طبعا معاكى فى الحتة دى لانها طبعا متعلقة بالنظام اللى اتكلمنا عنه
بصراحة انا ركزت كويس فى الصور بس مش عارف اعتقد ان الحاجة الغلط فى الصورة التانية وهى ان صندوق الزبالة تقريبا فاضى والله اعلم