[د/ ماجدولين]

كل حصص الفيزياء والأحياء (كل أيام الأسبوع) بتبقى الساعة 6 صباحا ً بعد الفجر .. ويومين لدرس E الساعة 3 العصر ويومين لدرس العربي الساعة 8 بليل .... أنا مشتت تماما ً ووقتي ملخبط ومش ملاحق أذاكر أيه ولا أيه وأمته .. !!

الصراحة
حاول تعمل جدول تنظم بية أمورك وتمشى علية.........والتزم بية ان شاء الله
بس سؤال يعنى
لو حضرتك بتاخد فيزياء وأحياء كل يوم
وبتاخد انجلش وعربى مرتين فى الأسبوع
يبقى هتذاكر أمتى؟؟؟؟؟؟؟؟؟؟؟؟
حاول تتفاهم مع المدرسين
وتقلل وقت الدروس
الفيزياء ست حصص فى الشهر هى والأحياء
والعربى والأنجلش أربع حصص
عشان تلحق تذاكر
لكن لو فضلت طول اليوم دروس
هتحصل امتى؟؟؟؟!!!

أزاي أذاكر الفيزياء مذاكرة مثالية

http://www.thanwya.com/vb/showthread.php?t=65680
... يعني أعمل أيه بالظبط عشان أذاكر فصل معين مثلا ً لوحدي بدون شرح مدرس ؟
حاول كدة تفهموا لوحدك واستعين بزمايلك وحل كتيييييير
وبعدين لو فى مشاكل اسأل مدرسك
أنا على فكرة فى حصص فيزياء فاتتنى
الحمد لله كنت بقرئها واسأل صحابى وأحل عليهم
وبعدين أسأل المدرس
والحمد لله الحصص دى معملتيش مشاكل
فى حاجة كمان
الحصص اللى تفوتك فى الدرس
حاول تحضرها فى المدرسة

أيه أصعب فصول الفيزياء وإيه أصعب فصول الأحياء ... ?

مفيش حاجة صعبة وحاجة سهلة
أحنا لو قلنالك دلوقتى ان حاجة معينة صعبة فى الفيزياء
دة هيديك انطباع سيئ عنها
وهتحس انها صهبة من قبل ما تبتديها
بس بأمانة والله
كل حاجة بالمذاكرة اللى بضمير بتبقى فى منتهى السهووووووووووووولة
الفيزياء دى مادة روووووووووعة
وحلاوتها فى صعوبتها _اذا كانت صعبة يعنى_

الأحياء ولا الفيزياء الأصعب والأكثر أحتياجا ً للمتابعة والإهتمام أكثر .. أقصد أيه هو الترتيب من حيث الأولوية في المذاكرة للمواد (عربي/E/فيزياء/أحياء)

؟
فيزياء وأحياء فى نفس المنزلة
هما الأتنين محتاجين متابعة كويسة
وان كنت أظن أن الأحياء أكتر لأنها بتتنسى بسرعة الى حد ما
لكن الفيزياء قوانينها بتعلق
بس هما الأتنين على قائمة الأولويات ان شاء الله
وبعد كدة العربى (طبعا عشان حفظة الكتير وقصتة الجميلة)
و الأنجلش دة لو مستواك فية كويس يبقى خير ان شاء الله
دة غير ان معظم انجليزى تالتة............هو انجليزى تانية

بالنسبة للإقتصاد والإحصاء أيه نظامها من حيث الصعوبة والسهولة ... وأبدأ أذاكرها من شهر كام ؟

الأقتصاد....عبارة عن ست فصول سهلين جدااااااااا
بس لازم تحفظ فيهم كويس
وعلى هذا الأساس أنا بدأت اقتصاد من اول شهر 11.......بس كنت بدلع براحتى خاااااالص
كل أسبوع أحفظلى نص فصل كدة ولا حاجة
على آخر السنة حفظت المنهج زى اسمى
ومش كان فى مشكلة فية الحمد لله
عشان كدة حضرتك حاول تبدأة بدرى..وامشى فية براحتك
الإحصاء
عبارة عن مجموعة من القوانين
حفظها لايستغرق نص ساعة
احفظ القوانين..........واقعد اتسلى فى المسائل والعب بيها
ابدئها بدرى بردوا عشان تلحق تحل النماذج والإمتحانات وكتب خارجية
دة غير ان اللى بيبدأوا متأخر بيبقوا مضغوطين وعوزين يخلصوا فبيكروتوا من غير قصد
ابدأ بدرى وامشى براحتك هترتاح ان شاء الله

لكن الفيزياء .. مش قادر ألم الفصول الضايعة دي ..
حاسس أن أنا متشتت تماما ً ... وخايف جدا ً منها ... يريت حد يديني نصائح تساعدني

زى ما قولت لحضرتك حاول تستعين بمدرس المدرسة وصحابك وزمايلك
ودور ع شروحات ع النت
وبعدين تهيألى كدة اللى فات حاجة فى الموجات
ودى حاجة هينة بأذن الله.........ومع التكرار طول السنة هتثبت ان شاء الله
ولو اللى فاتك حاجة من الصوت .....هتكرر ان شاء الله فى الضوء
مع بعض التغيرات الطفيفة
يعنى خير ان شاء الله
فى رعاية الله