[dr.saeed]

/

انا شايفه من الكلام انك معترف انك مندفع ومتسرع شويه فهل ده سببلك مشاكل كتير فى حياتك ؟وهل بتحاول تعالج الحكايه دى ولا مش مهتم ؟ وفى رأيك ممكن تعالجها ازاى ؟؟

أكيد سببلى مشاكل بس الحمد لله دايما بحلها بسهولة
الحمد لله هى واحدة واحدة بدأت تخف عندى وطبعا اكيد مهتم انى اعالجها
اعالجها انى افكر كويس قبل اى حاجة

2/انت كنت قبل كده عايز تبقى طبيب اسنان بعد كده نويت على طب بشرى فايه هى الاسباب الى خلتك تغير اتجاهك ؟ وهل انت من النوع الى بتغير رأيك بسهوله ؟؟

كل الى فيها انى اصلا من الناس الى مش كنت محدد اوى موضوع الكية
يعنى مثلا بعد مجموعى فى تانية قالولى هاتدخل علوم ولا رياضة
قولتلهعم مش عارف
وفضلت مش عارف لغاية شهر 11 كنت عاوز احول بس كل لما احول تجيلى العلامة من ربنا انى افضل فى علمى علوم
ولما شفت تنسيق 2006 الجميل الى كان طب المنصورة 405.5 قولت خلاص مشيها على طب اسنان او صيدلة
بس لما جبت مجموع كبير قولت بردة اسنان
وبدأت اسال ناس كتير عن الكليات دى كلها وبدأت اقران بينهم لاقين ان الطب انسب ليا
بس لما اخويا قالى خلاص ادخل طب صراحة قولت ماشى رغم انه مش اجبرنى وكان بيقول رأيه
بس انا وهو كنا عاملين زى بحث كدة على الكليات
اما موضوع اغير رأيى
فدى الناس كلها الى بتتعامل معايا بتبق مقروفة من حتة انى اغير رأيى دى لانى اصلا مش بقتنع انى اغيره
ودة لسبب انى اصلا مش بقتنع بأى رأى غير بعد بحث كبير
انما موضوع انى سبت المنتدى وجيت دة لاسباب راجعة لدينى ولما تجاوزتها كنت برجع تانى

3/هل من الممكن ان تعترف بخطأك أمام الجميع اذا ثبت خطأك امامهم ؟

أيوة

4/ هل الغرور من صفاتك ؟

لا

5/ غالبا ما تكون توقيعاتك بتدور حول معنى الحزن والوحده.فهل بتميل الى العيش فى جو الحزن ؟ولا بتحاول تطلع منه بسرعه ؟ومحاولتك دى بتبقى ازاى ؟

توقيعى غالبا بيكون لتوصيل فكرة لشخص ما
بس أكيد بحاول ابعد عن الحزن
انما عموما انا حساس جدا فبتأثر عن غيرى
محاولتى انى اقعد فى المسجد لواحدى وافكر كتير وادعى ربنا وغالبا ربنا بيجيبلى الحل
وبردة بقع مع نس معينة كدة والحمد لله بتناسى

6/ هل وجدت الصديق الحقيقى فى حياتك ؟

يعنى ممكن اقول اة
انما الصديق الحقيقى غير موجود اصلا
يعنى من قصص الصحابة والسلف صعب انى الاقى زيهم

7/ ما رأيك فى صداقات النت وهل تصلح بالفعل لتكون صداقه حقيقيه ؟

رأيى انها كويسة الى حد كبير
وفعلا ممكن تكون حقيقة بس دة متوقف على الشخصين

8/ هل شخصيتك عالمنتدى هى نفسها شخصيتك فى الحياه العامه؟ وهل بتحاول انك توصلنا صوره معينه عن نفسك ؟

السؤال دة اتسالته كتير واجابتى واحدة
فى الحياة العادية بتعامل مع ناس شايفينى وشايفهم وعارفينى الى حد ما وانا عارفهم
فأكيد لما هتعامل على النت مش هتعامل بنفس السلاسة الى بتعامل بيها على ارض الواقع
خاصة وانى عموما بعامل الى مش اصحابى فورمال لدرجة كبيرة
انما انا مش بوصل فكرة معينة لان ما جعل الله لرجل من قلبين فى جوفه

9/هل شعرت فى وقت من اوقات انك شخصيه غريبه الاطوار ؟ امتى وليه حسيت بكده ؟

انا على طول حاسس بكدة
لانى مش بقبل حاجات كتير بيقبلها غيرى

10/ هل تتقبل النقد من الاخرين وتحاول اصلاح العيوب ولا بتحس بالضيق وتهاجم الشخص الذى ينتقدك ؟

بتقبله لو هو كان فعلا بيحاول يصلحنى
زى مانا مثلا بتقبل نقد احمد رضا
انما لو شخصية مثلا زى ما قابلت هنا بتنتقد عشان بس تظهر نفسها او عشان تعمل مشاكل او عشان توصل فكرة مش كويسة عنى لناس معينة لسبب انها اصلا بتحب كدة
فأكيد بهاجم الاشخاص الى زى دول

11/ ما أكثر صفه تكرهها وأكثر صفه تحبها ؟

بحب التضحية
وبكره الانانية

12/ ما الذى تفتقده فى شخصيتك؟ وا الذى تفتقده فى حياتك ؟

افتقد التسامح
يعنى مش بسامح بسهولة
ودة لانى بشيل كتير ولما طاقتى بتخلص بكون خلاص جبت اخرى
افتقد فى حياتى الحب الى حد ما
دمتى فى رعاية الله وامنه