[بورسعيدى]

إذا الشعب يوما أراد الحياة...... فلا بد أن يستجيب القدر
ولا بد لليل أن ينجلي....... ولابد للقيد أن ينكسر
ومن لم يعانقه شوق الحياة...... تبخر في جوها واندثر

طول ما كل واحدعايش في حاله لحد ما النصيبة تجيله هنفضل زي ما احنا
طول ما كل واحد بيقول أنا مالي عشان المصيبة بعيد عنه هنفضل كدة
طول ما كل واحد همه على نفسه وبس هنفضل كدة
طول ما احنا عايشين فاكرين ان البلد هتتصلح لوحدها هنفضل كدة
طول ما احنا بنبص للحكومة بتعمل ايه وما بنبصش احنا بنعمل ايه هنفضل كدة
طول ما احنا قاعدين في بيتنا مستنيين معجزة تنتشل البلد من الضياع هنفضل كدة
طول ما احنا مش عارفين معنى قوة الشعب فوق رأس الجميع هنفضل كدة
طول ما احنا معانا الحق وساكتين وكاتمين في قلبنا هنفضل كدة
طول ما احنا مش بنستعين بربنا ونقوم كلنا نصلح هنفضل كدة
طول ما احناشايفين الفقرا اللي في المناطق دي وصعبانين علينا بس هنفضل كدة
طول ما احنا مش مدركين اننا في سفينة واحدة لو مشيت كلنا نمشى والعكس هنفضل كدة
طول ما احنا جوا السفينة وشايلاهم ومع ذلك بيخربوا فيها هنفضل كدة
طول ما احنا فى السفينة من غير مانعمل حاجة عشان تبقى أحسن هنفضل كدة
طول ما احنا بنلوم ببعض وبننهش لحم بعض وسايبين الغريب ينهش فينا هنفضل كدة
طول ما احنا بنرمي التهم عالغير وعمرنا ما بنتهم نفسنا هنفضل كدة
طول ما الشعب دة واكل فووووول ونايم هتفضل بلدنا كدة وأسوأ من كدة
طول ما احنا همنا على نفسنا مش على مصر هنفضل كدة
طول ما نفسي الأول وبلدي و ديني الآخر هنفضل كدة
لحد ما كووووووول الحاجات دي تتصلح هيبقى الوضع على ما هو عليه