اقتباس:
المشاركة الأصلية كتبت بواسطة travel
انا معاكى فى الجزئية دى خصوصا انى ساعات ببقى تعبانة اصلا
ومش ناقصة اللغة دى تكمل عليا عقبال ما اترجمعا
يا يكتبوا عربى يا انجلش (اللى احنا اتعلمناه)
انما اللغة الغريبة دى بلاش
فى ناس هتقول الكيبورد بتاعها مفيهوش عربى
يبقى خلاص يكتبوا انجلش (اللى اتعلمناه)
ياريييت تطلع اللغة دى من ضمن (الغريبة) |
الاول قبل ما نقول انها تبقى من ضمن الغريبة او لا...
نشوف اذا فعلا فى ناس بتعانى من مشكلة فى الكتابة بالعربى....
يبقى كدة ساعتها نعرف نحط لها قوانين....تحد من انتشارها...من غير ما تمنعه...
اقتباس:
المشاركة الأصلية كتبت بواسطة hema_maf
شكرا على التوضيح - أنا معنديش أى تعليق.
|
طب ليه مافيش تعليق....
اقتباس:
المشاركة الأصلية كتبت بواسطة travel
يارييت الفرانكوا ده بجد يتحط ضمن القوانين لانه حاجة متعبة
مش على اللى بيكتبها
لا على اللى بيترجمها(ربنا يديله طوله العمر) |
انا من الناس اللى عدو بفترة ماكنتش باكتب غير فرانكو لانى كنت باعانى من مشكلة فى العربى....
فلازم ناخد بالنا من حتة زى دى....
انا مع حضرتك و مش معاك...
لو مابعرفش اكتب غير كدة يبقى ربنا يعوض علينا فى اللغة العربية...
لكن لما ابقى مضطر دى حاجة تانية خالص...
و فعلا لازم نبص للفرانكو انجلش..زى الفرانكو اراب...
ايه وضعنا من كلمات زى اللى حضرتك كتبتها...
و طبعا محدش يقدر يزعل ...لانه نقاش هادف و بكل احترام...
اقتباس:
المشاركة الأصلية كتبت بواسطة رجب سعد محمود
أنا مش فاهم حاجة خالص من كلامكوا ..... القوانين ثابتة في جميع المنتديات ومحدش بيعمل بيها ..
|
حضرتك اقرا الموضوع من الول و انت تفهم الفكرة بتتكلم عن ايه....
اقتباس:
المشاركة الأصلية كتبت بواسطة king mo7amed
الالتزام حلو بردو ولا ايه
|
جميل اوى كلامك...بس على الاقل اتناقش معانا و قول رايك..
بالنسبة لحضرتك اسهل اوك...بس لغيرك اصعب لما يجى يقرا....
و لازم حضرتك تبقى عارف كل الطرق للكتابة حتى من باب العلم...
طب ما انا باعرف اكتب فرانكو بس مش باكتبه الا فى الياهو و ما الى ذالك لانى باقابل مشكلة النقل ما بين الانجلش و العربى...
و بعد ما عرفت ازاى اعالجها..مش باكتب بيها خالص..
و شوف هزار او جد الافضل اننا نكتب عربى...و نحاول ننهض باللغة و لوننا بنكتب عامى بس احسن من فرانكوا...و لا ايه.....
و فى الاخر دى وجهة نظر ممكن حد يخالفنى فيها و ممكن يأيد...
اقتباس:
المشاركة الأصلية كتبت بواسطة الشفق الباكي
اعتقد انه موضوع مهم وموضوع الفرانكو اراب دا بيبقى رخم فى الترجمه اوى اوى
|
و ادى عينة من الناس اللى بتعانى من الفرانكوا...و انا عينة تانية برده...
-----------------------------------
شكرا على مروركم كلكم....و اهتماكم بالمنتدى ...و بس ...
شكرا..