[mr fahmy]

المشاركة الأصلية كتبت بواسطة السندباد المصري

ياااااااااااااااااااااه
أخيراً حد أفتكر أن فيه مبعوثين في مصر
والله دنا نسيت أني كنت مبعوث وما بيفكرني بالكلمة دي غير لما يكون فيه أحصائية عن المدرسة
انا كنت في بعثة تدريبية خريف 2001 وده كان في جامعة ستراثكليد في جلاسجو أسكتلندا
صحيح أنا أستفدت منها كتير علميا ومعنوةيا وماديا
لكني خسرت نفسي
أقولكم أزاي ما تقلقوش
وصلت مصر كنت ناقم علي الحياة هنا لمدة سنة كاملة مفيش حاجه عجباني من أول خروجي منن البيت لحد العودة مرة أخري
حالة نفسية صعبة جداً مش مصدق أني سافرت ومش مقتنع أني رجعت لحد الحمد ما بديت أتأقلم علي الوضع ده
حاجه غريبة
في الخارج كل حاجة منظمة حتى الدروس الخصوصية كان ليها نظام وثقافة خاصة كباحة ومشرعة وقانونية مادمت بيدفع فيها الضرائب
كل حاجة هناك متغيرة عن مصر كليا
نبدأ بالمدرسة
مبني جميل نظيف جداً الفصول مقسمة من الداخل بحيث يكون لكل مدرس أو أثنين من نفس المادة مكان أو معمل خاص بهم
الفصل عبارة عن منظومة متكاملة تجد فيها كل ما تبحث عنه
الطالب كسول جداً غبي لا يفعل شئ من تلقاء نفسة لابد من واحد يقولة أعمل ده محدود الذكاء جداً ليس عبقري
المنهج سلس جميل رائع منظم متكامليحتوي علي كل موضوعات المطلوبة وكل مدرس يحدد المنهج الذي سوف يدرسة
المدرس آلة لا تعي شئ موظف يؤدي ما عليه محترم جداً يرتدي كرافت شيك وملابسه لا تنم عن أنه مدرس
لا يستخدم الطباشير إلا محدود جداً كل الوسائل متاحة له مرنتبة من أعلي المرتبات في البلاد بعد الطبيب البيطري الكل يحترنه لأنه صاحب رسالة
نيجي بقي لأحلي شئ في التعليم هناك
الكتاب المدرسي أكثر من رائع كتاب كبير يحتوي علي كل الموضوعات وكل درس عليه يجي 5 صفحات شرح وكمان تدرج أمثلة وتمارين يجي كمان 5 صفحات بدون أختصار أو حشو
( الفرق بينا أن الوزارة بتشيل صفحتين من شرح الدرس لكن العنوان موجود وبيقولوا أنهم كدا بيشيلوا الحشو الزيادة معقول ده )
أحنا ها نفضل متخلفين عنهم يجي بعشرين سنة
علي فكرة المعلم المصري أذكي من المعلم الأجنبي 100 مرة
والله ده صح وبأعترافهم
خصوصا في مادتي الرياضيات

فينك أيها السندباد
لقد كان إحساسي صادقا
وكان قلبي يحدثني
إنني سوف أجلس لأسمع منك حكاية جديدة
من حكايات ما وراء البحار
وقد صدق
ليتك تتذكر حديثي معك من قبل
أشعر بنبض الصدق في قولك وأؤيدك
وأشعر برنين الذكاء من بين سطورك
إن ما قلته عن المدرس المصري
لهو أقل من حقه
فهو فعلا إنسان عظيم
حين تتوفر له الإمكانيات المتاحة لغيره
واسأل مجرَّب

طبعا المناهج مدروسه بحق ربنا ده هناك
طيب حاقترح عليك حل
بين وبينك وفي ودنك
أحسن( معالي ) الوزير (لازم تقول معالي قبل الوزير)
يسمعني و (...) يقتبس الفكرة
لو مكانه حاصرف لكل مدرس
بدل زي ( يونيفورم )
حابسطها لك ياعم ماتزعلش كده
(زىْ) بكسر الزين يعني هدوم
وأخلي كل مدرس يلبس بدلة كاملة بملحقاتها
يعني معاهاقميص وبنطلون و جرافته
وجوزيين شرابات (جوارب يعني)
واديله جذمه (حذاء يعني)
وعشان اتأكد حاطلع منشور ملزم
يلزمه إنه كمان ينام بيها
تاكيدا للشفافية والالتزام بهذا الزي
ده طبعا بالنسبة للمدرس
فمابالك بالنسبة للطالب
وبعدين أنت لخصت الموضوع في الحشو
طب عارف من كام يوم عندنا عملوا محشي
فبدل مايحشوه رز
حشوه مكرونه
ولو مش مصدق تعالي عندنا وأنا ادوق
اللي مادقتوش
داحنا عندنا الفصل فيه تلاث صفوف
كل صف فيه عشرين طالب
هما عندهم قاعات
مش زي الف ليلة وليلة والشيراتون
لا بس يعني معقولة برضُه
إحنا ما عندناش زيها
عدد الطلاب من عشرين لخمسة وعشرن

نأتي لأهم شيء النظافة
أنا شاكك إن أحذية العيال
فيها سلات زي الي موجودة في رجلين النحل
بتاخد التراب من الشارع
ومن أرض الطابور بتاع المدرسة
وتطلعه في الفصل
وهذه الظاهرة لاتحدث إلا في مدارسنا
وهذا مايسمي بالتميز

ربنا يديك طولة العمر والصحة
يعني عايزني أقعد كمان عشرين سنة
عشان أشوف التطور ده
دنا قربت أطلع علي المعاش
تصور دانا قلت علي السنة الجاية
وعشان أنا متشائم قوي قلت أقصاها
ثلاث أو أربع سنين
تيجي تقولي عشرين سنه
هو أنا عملتلك حاجة يابني
ايها السندباد
العمر بيجري ونفسي أشوف حاجة
حاجة تكون حلوة طبعا
وده مش حا يحصل إلا بكم وباجتهادكم
يامعلمو مصر