السلام عليكم ورحمة الله وبركاته
وهاهي تتجدد المشاكل
يا جماعة أنا بجد والله مش عارفة أرتاح ولا أطمن
أنا كنت بحلم باليوم إللي هاخد فيه أحياء لأني بحبها جدااا
وبعد تانية ثانوي يدوب 95.6 وطبعا وأنا مغمضة خدت أحياء
لأني معنديش إختيارات وبابا وماما كانوا مصرّين إني أكمل رياضة2
فطبعا أنا إعترضت بشدة وقلت إما أكمل أحياء أو أقعد ف البيت ومش عايزة حاجة خالص
وبعد القصة دي كلها
وبعد ما بدأت ف الأحياء
المستر يصدمنا ويقول إنها 70% حفظ و30% فهم<<<< أشهر واحد عندنا والناس كلها عنده
يعني الحصة كلها إحفظ وسمع إحفظ وسمع سواء فاهم خير وبركة
لو مش فاهم طبعا مش هتقدر تسأل المستر غير حجات بسيطة وطبعا مش هيعيد الشرح تاني
لأن المجموعة ماشاء الله أصغر واحدة 50 طالب وشغالين زي الكُتّاب
الكلام ده ينفع ف العربي لكن ف الأحياء !!!!!
غيرت المستر وجبت واحد البيت أنا و4 أصحابي وطبعا بنسأله زي ما أحنا عايزين
وبيفهمنا كويس جدااا ... وبيدينا معلومات جميلة.. وبستمتع بالحصة وبقول هي دي الأحياء بجد
مشكلتي بأه
ف المذاكرة للأسف إني مش بقدر أحفظ بسهولة وممكن أقعد وقت طوييييل أحفظ
ووالله ف الأمتحان إللي بيعمله المستر أنسى كل حاجة فبكتب طبعا بفهمي
ان شاء الله حكاية الحفظ تيجي بالتكرار
والميس كانت بتقولي ممكن تكتبي بأسلوبك
بس ان شاء الله هتحفظيها
وده مينفعش لازم بالنص .. والموضوع ده عملي مشكله وخاصة إني زعلااانه إن المشكله دي ف أحلى مادة عندي
وبابا وماما بيحاولوا يقنعوني أرجع للمستر إللي بيحفظ ويطلعنا حافظين الدرس وطبعا مش هي دي الأحياء بالنسبالي
بس بيقولولي إن طبيعتك مش هتقدري تحفظي غير معاه
مش عارفة أعمل إييييه أكمل فهم ولا أرجع لبتاع الحفظ وأنا مش طايقاه ؟؟؟
طالما مش طايقاه مش هيبقي عندك قابليه انك تسمعي له
أنا بجد آآآآآآآسفة طولت جداااااا بس يارب تكونوا فهمتوني وتقدروا تساعدوني
انا كنت أحياء السنه اللي فاتت وبرضه ماكنتنش باحب اني أحفظ
وجزاكم الله كل خيير
وجزاك مثله
دمتم بخير