اقتباس:
بسم الله الرحمن الرحيم
أكبر غلطه .. إني وثقت في واحده المفروض مش يتقال عنها (صديقه) من أساسه
للأسف
خانتني .. و سوأت صورتي ادام الناس .. و استغلتني .. و كدبت عليا .. و حقدت عليا كمان و قالت عليها كلام مش فيا .. و حاولت تفرق بيني و بين أعز إنسان عندي في الدنيا دي
و للأسف مش أقدر ابداً اني اسامحها
و بتطلعني انا اللي غلطانه
انا كل لما افتكرها .. كل لما بفتكر انا أد ايه كنت مخدوعه فيها و في طيبتها و اتاريها ميه من تحت تبن
كل لما افتكرها بكره نفسي .. و بيبقى نفسي الأرض تنشق و تبلعني و ارتاااح
كل لما افتكرها .. كل لما بحس ان فيه حاجه عمر الزمن ما راح يغفرها لي
ربنا يهديها و يهديني انا كمان
تاني غلطه اني كان ليا واحده صاحبتي برضو .. طلعت بتحقد عليا اكتر ما بتتمنالي الخير .. و فاكراني شمتانه فيها عشان جابت مجموع اقل مني
شكراً للموضوع
قلبتي المواجع
|
انا ملاحظه انك بتختاري غلط ودا جايز مثلا يكون ناتج عن تسرعك في الاختيار والله اعلم فلازم البنت اللي انتي تختاريها لازم تكوني واثقه انها انسانه تستحق انك تصاحبيها يعني لازم تتاني في الاختيار
اقتباس:
|
اكبر غلطه اني دخلت ثانويه عامه
|
هههههههه دي غلطه البنات والاولاد كلهم اللي دخلوا الثانويه دي الله ما يعيدها ايام
اقتباس:
أكبر غلطة كانت انى ما ذاكرتش فى 2 ثانوى كويس وجيبت مجموع مش قوى
لكن الحمد لله فى تانية ثانوية شديت حيلى وجيبت مجموع كويس ودخلت الكلية اللى كنت عايزها
يمكن اللى ساعدنى هو ان مجموعى لم يكن سىء للدرجة يعنى
الحمد لله
|
الحمد لله يا اسطوره انك دخلت الكليه اللي كان نفسك فيها وتفوق فيها بقي ماشي
اقتباس:
|
اكبر حاجه خلط انى انا جه عليه وقت وبطلت اصلى وبجد ندمان علشان بعد عن ربنا وخسرت اشياء كتير اوى فى الوقت ده بس انا الحمد لله دلوقتى بقيت بصلى والحمد لله
|
الحمد لله ان ربنا هداك للطريق الصح
وميرسي ليكم كلكم علي مروركم العطر