يا عم ( الفارس ) الحدوته مش الامتحانات الحدوته الهدف منها ،، هي معمولة ليه أصلا ؟ تقيس مستوى المعلمين ؟؟؟؟؟ كلام فارغ مش حقيقي الناس اللي بقالها عشرات السنين وبتخرج أجيال وبيطلع من تحت ايديها كل من له لازمة في البلد دي من أول الحرمية لحد اساتذة الجامعة فجأة كده وبدون أي لازمة بقوا محتاجين لامتحانات ؟ طيب مراكز التدريب في الجمهورية ، ووحدات التدريب في المدارس وادارات التدريب في المديريات ومتابعات الموجهين واشراف المدرسين الاوائل والوكلاء والموجهين والاشراف الاداري ولجان المتابعة كل دول كانوا بيعملوا ايه ؟ تكريم المدارس والادرات والنقابات والوزير نفسه للمعلمين المثاليين كان بيتم على اي اساس ؟ الطلبة اللي مجمامعهم بتعدي الـ 100 % والاوائل في كل مدرسة وادارة ومديرية في كل الشهادات دول طلعوا ازاي ؟؟؟ المعلم المصري اللي نشر التعليم في كل البلاد العربية ومجاهل افريقيا دلوقتي بقى مستواه ضعيف ؟؟؟؟؟؟ الرئيس وعد بكادر والفلوس مش مكفية وفقر الناس عند الحكومة دي هدف وغية وحالة البلبلة والتشتت ووجع القلب دي عن كتير من الجهات الحكومية الامنية هدف أساسي يبقى نعمل مسلسل الكادر بكل حلقاته المملة سواء قبل الاختبارات أو بعدها ليجد أكبر فئة من فيئات المجتمع عددا ( المعلمين ) شيء يشغلهم وباستمرار ،،، مجموعة تعمل اضراب ومجموعة تتحاور نت ومجوعة تقاطع الامتحانات ومجموعة محتنارة مش عارفة ايه اللي بيحصل ومجموعات يقعدوا في المدارس يتكلموا عن اللي بيحصل ويضربوا كف على كف وفي النهاية لا يهم أحد مستوى التعليم ولا كرامة المعلم ولا الكادر اللي كان ها يخلي ولادك يحسوا انهم زي ولاد عمهم محسن السباك اللي ساكن تحتك في العمارة فهمت ولا لسه ؟؟؟؟؟؟؟؟؟
|