اقتباس:
المشاركة الأصلية كتبت بواسطة dr.saeed
السلام عليكم
ازيكم يا جماعة عاملين ايه
يمكن انا غالبا مش بعمل مواضيع نقاشية بس كنت عاوز اعرف بس ارائكم واحساسكم بحاجة
لما كل يوم تلاقى يا صدمة أوجرح لقلبك من اشخاص معينين بتحس بأيه؟
طبعا ببقى حاسة انى بموت بالبطئ بس لو هما هما نفس الاشخاص يبقى لازم وقفة و لازم اعرف ان مش دول اللى اتجرح منهم بالعكس يبقى كل تصرفاتهم اللى ممكن تجرحنى دى مجردحماقة منهم و ربنا يهديهم
لما تبقى بتعمل الخير للناس وانت حتى ما طلبتش منهم انهم يشكروك وما طلبتش منهم اى حاجة
بس دايما برده يفهموك غلط وكمان يحبوا انهم يدمروك يبقى السبب اصلا ليه؟
لانك ماطلبتش منهم انهم يشكروك ... و الله يادكتور انا اللى اتعلمته من الناس انهم مش قادرين يقتنعو ان ممكن حد يعمل حاجة لوجه الله فلاما هيشكروك لاما العكس وبمان انك ماطلبتش منهم الشكر عمرهم مايشكروك الا من رحم ربى بس كل اللى عايزة اقوله و الله يادكتور حتى لو الناس زعلوك او جرحوك بس ربنا عارف انت عملت الحاجة دى ليه ومش لازم نتاثر بكل كلمة تتقال مادام انا عارفة ان الشخص ده عايز يدمرنى يبقى ع الاقل من باب العند مش هتدمر و لا هبقى ضعيفة ابدا انا نفسيتى تتاثر بحد يستاهل يمكن الكلام ده انا مش بقدر اطبقه اوى بس نفسى اقدر اطبقه
لما الانسان يجى يتواجد فى بيئة معينة ويكون فيها ناس مش عارف اقول عليهم ايه بصراحة
عايشين حياتهم على سوء الظن والكلام عن الغير يبقى لازمتها ايه تقعد معاهم؟
لو البيئة دى كلها كده يبقى مالهاش لازمة
بس لو نسبة من البيئة دى هيا اللى كده و الباقى لا .يبقى المفروض اكمل مع الناس الكويسة
اما بالنسبة لسوء الظن فده بقى حاجة اساسية عند الناس مايقدروش يعيشوا من غيره
بس ممكن يبقى فى سبب لسوء الظن
انما لو مافيش سبب يبقى ده انسان قلبه كله حقد رننا يهديه
اصبر على كيد الحسود ... فان صبرك قاتله
فالنار تأكل بعضها ... ان لم تجد ما تاكله
لو انت يا دكتور قابلت الاساءة دى بالاحسان و انا عارفة انها هتبقى صعب بس يعنى محاولة و الله الانسان ده هيفكر كتير اوى ولو مافكرش يبقى التدمير اللى كان عايز يعملهولك هيعمله فى نفسه لانه ماحققش رغبته و دمرك
و ربنا معاك
لما تحس من تواجدك فى مكان ان اعصابك تعبت وقلبك وجعك بالرغم انك ما ظلمتش حد فيه هل هاتستمر فى نفس المكان؟
لو هخدم دينى اه
لولاقيت ان ليا اهمية هكمل و هحاول اعزل اعصابى و قلبى عن اللى بيتعبهم
ولما تلاقى واحد معين عرف فعلا يعمل فيك الى هو عاوزه لحقد فى قلبه وانت مش قادر تعمل حاجة لوعد او حلفان قلبك ساعتها هايكون عامل ازاى؟
مادام حلفت انى مش هعمل حاجة يبقى ربنا يسامحه بقى
هكتفى بحسبى الله و نعم الوكيل
بس مادام هو افتكر انه عمل اللى عاوزه ودمرنى عقابا ليه مش هتدمر ده افضل عقاب للناس دى
مادام انا عارفة انه عايز يدمرنى يبقى اى كلمة هيقولها مش هتاثر فيا
عموما بحب اقول لاى واحد بيسىء الظن بأخوانه المسلمين
انك انت لما بتعمل كدة
وبتنسى
فأن الله لا ينسى
(احصاه الله ونسوه)
(ان الله بما تعملون خبير)
وليلعلم المرأ انه كما يدين يدان
وكما يظن بغيره
سيأتى اليوم الذى سيظن به نفس الظن
حتى يعلم مرارة ما ذاقه غيره
توكل على الله فهو حسبك
فى امان الله |
ماينفعش يا دكتور تسيب المنتدى عشان فئة معينة لازم تكمل باذن الله
الدنيا كل يوم بنكتشف فيها الاسوأ و كل يوم بتتعبنا نفسيا اكتر بس احنا عايشين اهو الحمد لله
يا دكتور الناس كده او كده هتتكلم و هتسئ الظن مادام انت واثق من نفسك سيبهم يتكلموا و المفروض كلامهم مش ياثر فيك لانك عارف انهم عايزين يدمروك
كل مايعملولك حاجة قول حسبى الله و نعم الوكيل
الهروب مش حل ممكن تبعد شوية عشان اعصابك تهدى انما ماينفعش الناس الكويسة تسيب المكان للناس اللى مش كويسة و الا هيحصل خلل
ربنا معاك