اقتباس:
المشاركة الأصلية كتبت بواسطة زهرة الياسمين
السلام عليكم جزاك الله خير يا دكتور على هذه الفكره
كنت عاوزه اعرض عليك حالة والدى هوه عنده سنه فى الامام اتخلعت وهوه عنده 45 سنه بس بعد ثلاث سنوات طلعت سنه تانيه تقريبا حجمها ثلث الاولى بس للاسف مش مظبوطه يعنى طالعه معوجه هل الافضل انه يخلعها ويركب سنه صناعيه خاصه انها فى الامام وشكلها مش حلو خالص او ايه الحل ؟؟ وهل من الطبيعى انه السنان تطلع تانى فى السن ده ؟؟ وجزاك الله خير
|
ارد عليكى يازهره فى السؤالين وهم مهمين جدا
الاول الحل ايه فى حاله والدك لو السنه اللى طلعت دهى ممكن يتعمل عليها تلبيسه يكون افضل لان اخر حاجه يفكر فيها الكتور هى خلع السنه لان سنه ربنا عز وجل ماتتعوضش مهما ما كانت حالتها ممكن يتعمل عليها تليبسه ودى سهل هى بتتعمل بالاداه اللى عند دكتور اللى الناس بتقول عليها شنيور هههههههه
بسهوله وعليا تلبيسه وبيكون طبيعى خالص لو كانت قصيره ممكن تتعالج ب تلبيسه او لو داخله جوه شويه ممكن يتعمل حاجه احنا بنسموها veneer ودى طريقه كويسه خالص ارجو المحافطه على الاسنان الطبيعيه لان مهما حصل صعب الحصول على سنه صناعيه تماثل طبعا سنه الله عزوجل.
اما بالنسبه للسنه اللى طلعت عند 45 او 48 سنه
او ممكن تطلع فى اى وقت بعد ذلك عند 60
المهم ازاى ناس يامه تقول ان الناس الكبار بتسنن تانى هل هذا صحيح لا طبعا مستحيل
امال ايه السنان الىى بتطلع دى عند سن كبير
الانسان فى نوعين من الاسنان
1 . داثمه 2. لبنيه
اللبنيه الى 6 سنين وبعدين يبدا الخلع ويصبح فى الفم اسنان مختطلته يعنى داثمه ولبنيه معا الى 12 سنه
بعد 12 سنه الاسنان اللبنيه بتكون اتخلعت وتطلع الداثمه لو ان سبت الاسنان البنيه برده عتتخلع لان الداثمه بالعادى بتاكل فى الاسنان اللبنيه الى ان تقع
الى 18 سنه الاسنان اللبنيه بتكون طلعت كلها الا درس العقل عند 25 سنه يكون طلع ده العادى الطبيعى يعنى بس اخرنا 25 سنه تمام ممكن قبل كده بشويه وممكن بعد كده برده بشويه فاذا اتخلعت اى سنه داثمه مستحيل ان تطلع سنه اخرى
امل ايه اللى بيحصل ده
1. فى حاجه هى المسثوله عن السنه اللبنيه ان هى تطلعه وبرده فى حاجه مسثوله عن السنه الداثمه وهى اللى بتطلعها
2. ممكن الحاجه دى تنقسم يعنى نصفها يطلع سنه ونصفها التانى لسه موجود زى ما هوه
الكلام ده فى السنه اللبنيه او الداثمه
3.يجى الواحد يخلع الداثمه تطلع سنه وهو يكون حاطط فى باله ان كده خلاص ويقول انه سنن تانى لا طبعا دى نصف الحاجه طلع سنه والتانى طلع التانيه دلوقتى بعد فتره بس التانيه تقريبا ما بتكون مظبوطه
ودى عمرها ما تصدف فى الفم كله دى فى سنه 2او 3 بس مش فى الفم كله
ارجو الا اكون اطلت عليكم
شكرا