[msamido]

المشاركة الأصلية كتبت بواسطة dr.saeed

الاول بس انا هلخبط كلامك شوية بس عشان ارد بالترتيب اللى انا عايزه

لو هتعرف الحب من مفهومك ياريت يكون المفهوم لا يحمل اي شئ ممكن يتعارض مع الدين اللي مستقر في قراره نفسك ونفسي
وكتير منا عارف انه بيغلط ف حقه

انا هتكلم عن الحب بس مش ده كلامى الشخصى لكن انا مقتنع بيه وبيعبر عن وجهة نظر ده كلام لابن حزم فى كتاب له لست اذكر عنوانه تحديدا وانما ان اردته استطيع ان احضره لك
بداية يستهل الرجل حديثه فى كتابه وهو الرجل المعروف عنه ايمانه وقربه من الله وفلسفته الدينية المتميزة بسبب كتابته لهذا الكتاب وهو ان احد اساتذته وشيوخه طلب منه الكتابة عن الحب ويقول لولا طلبه هذا ما أحب ابدا ان يكتب فى هذا الموضوع ثم يبدأ بسرد موضحا ما يحتويه الكتاب وهو يتناول معنى الحب وأنواع الحب ثم يختتم كتابه بالحب والدين فى اشارة للحديث عن كيف يكون الحب شرعيا
ارجع بقى لمعنى الحب ومفهوم الحب
يبدأ الرجل بحديث الرسول صلى الله عليه وسلم فيما معناه " الأرواح جنود مجندة من تعارف منها ائتلف ومن تناكر منها اختلف "
ويقول ان لكل روح خلقها الله عز وجل من يوافقها من الأرواح وما يتعارف عليها ويتألف معها فكل خلق له توأم روحه _ الحديث مش بالنص للراجل بس ده اللى انا فاكره من الكتاب _ فالحب هو التقاء بين روحين يتعارفا ويئتلفا فيحب كل منهم الاخر ويقع الحب فى القلب فتجد المحب يميل الى كل ما يقربه من محبوبه يحب الحديث عنه ويفرح لرؤياه ويحزن لفراقه يحب ما يحبه المحبوب ويكره ما يكره لا يرى فيه عيوبه وان رآها او تراءت له أحبها ولم يعتبرها عيوبا أو أوجد لها ما يبررها وما يجعلها بعيده عن العيوب
بيكمل كلام كتييييييييير وشرح كتير لمعنى الحب اكيد مفيش متسع ان اقول كل كلامه وبعدين بينتقل لانواع الحب وبردوه مفيش متسع للكلام عنها هنا بس اللى انا عايز اوصله فى النهاية ان الحب فى حد ذاته هو شعور واحساس وعمل روحانى مهما كان شكل علاقة المحب بمن يحبه وسواء كانت شرعية او آثمة فهى حب وشكل العلاقة هو شئ اخر وهو ما يحدد شرعية الحب من آثمة
ارجو اكون وصلت لحضرتك انا عايز افصل ازاى بين الحب وبين الزواج

بص ياأ. قباني اي علاقه بين الولد والبنت والرجل والمرأة وفيها مشاعر واحاسيس ودخلت تحت مسماك بالحب . اعتقد ان ده تعارض كبير جدا مع ديننا الحنيف
انا متفق معاك انه الزواج المتنفس الشرعي للحب . بس الحب اللي مش في الزواج
مش حب ومش شرعي

"الحب اللى مش فى الزواج مش شرعى بس مينفعش تقول عليه مش حب "

ايا كانت درجه الصفاء والنقاء والبراءة بتاعته
فهو مش حب ومش شرعي
ده ذنب مقنع ليس اكثر
يمكن انا بقولك الكلام ده وبقوله لنفسي كمان

ممكن يكون ذنب بس بردوه حب

اخر نقطة استاذ احمد رضا
هو حضرتك تعرفنى ؟؟
اصل ايام ما كنت انا موجود فى المنتدى حضرتك مكنتش موجود اعتقد او كنت موجود باسم تانى ممكن

انا كنت متابع تقريبا ست شهور المنتدي كله كناقد بس للاعضاء وبعدين اشتركت
وحضرتك اشهر من النار علي علم

ربنا يخليك استاذ احمد