اقتباس:
المشاركة الأصلية كتبت بواسطة abdo m a
(محمد رمضان )
محمد كان حلمه و هو في اعدادي انه يدخل هندسة بترول .. و اكتشف في اول تالتة اعدادي انه مريض بالسرطان ..
طبعا حلمه و امله في انه يدخل ثانويه عامه اتهد ..
و كل اصحابه بعدوا عنه .. و بدأت حياته تدخل في مرحلة العلاج و الاكتئاب و بس ..
و قبل امتحانات الترم الاول في تالته اعدادي بأسبوع قال يجرب يذاكر و يدخل الامتحانات ..
و دخل و جاب مجموع عالي .. خلاه يغير حلمه لانه يدخل ثانويه عامه و منها لطب .. عشان يعالج كل اللي زيه ..
بقي حلمه يبقي مسئول عن مستشفي سرطان الاطفال ..
و نظراً لأن اصحابه بعدوا عنه .. صاحب تلاته من المستشفي .. عشان يسندوا بعض في رحلة العلاج ...
و التلاته ماتوا .. و واحد منهم هو بنفسه حضر موته في المستشفي ..
بعد كل ده .. هو قدر يجيب 405 في ثانويه عامه ..
و يدخل طب .. و هيكمل حلمه ان شاء الله ..
هاااا .. احكيلي كده عن اسباب اكتئابك !!
احكيلي كده عن الدنيا اللي بتيجي عليك !!
احكيلي عن الفيزيا الي لسه مفتحتهاش!!
احكيلي عن اسباب تخليك تتخلي عن حلمك !! احمدوا ربنا علي نعمه الصحه .. و النعم التي لا تُحصي و لا تعد ..
اتعلموا الدرس .. حتي السرطان ماكنش عائق ..
الموت كان حافز ... و الحلم كان رفيق ..
لسه قدامك 8شهور تقدر تغير فيهم مجري حياتك لو انت عايز تغيرها بجد
واوعي تدمر نفسك بنفسك
والله العظيم لسه فيه وقت ولما تخلص الثانويه هتشوف الصوره كامله وهتقعد تضحك علي نفسك وتعاتبها
ازاي كنت بضيع وقت كده ؟
ازاي كنت مكتئب وحزين وانا كان قدامي وقت كبير؟
ازاي كنت بنام عدد الساعات دي ؟
الثانويه بسيطه وسهله بس انت الي حطيط ف دماغك انها وحش
ابدا_من_دلوقتي_ومتستناش
منقول
|
جزاك الله خيرا وربنا يووفقك يـآرب
