13-09-2016, 04:26 PM
|
 |
نجم العطاء
|
|
تاريخ التسجيل: Nov 2009
المشاركات: 23,386
معدل تقييم المستوى: 39
|
|
طريقه تنظيف الممبار
الاول نجيب الممبار ونغسله كويس بالمية تحت الحنفية مية كتير
ونملاه مية زى الخرطوم
مرة واتنين وتلاته
نجيب لوحة التقطيع ونحط عليها الممبار
وبسكينة ليست حامية نكحت بيها الممبار من اول طرف ليه
هنقلب الجزء اللى كحتناه ونمسكه بايدنا
ونخلى السكينة بالاتجاة التانى ونكحت بشكل مستقيم
ونسحب الجزء اللى مسكينه بادينا
نعمل العمليه دى لحد ما نخلص الكميه كلها
هتلاحظى انه بقى يتكوم حاجات كتير جوة الممبار
و ننزل منه كل الحاجات اللي كانت فيه
بعدين هنقلبه هندخل طرفة جوة الممبار وتحت الحنفيه نمله مية هتلقيه اتقلب لوجده بسهوله
بعد ما تقلبيه كله
و تفركيه بالملح والخل وتشطفيه كويس جدا
ثم تنقعيه في خل وملح و عصير ليمون ساعه ثم اشطفيه كويس
قطعيه الي قطع طولها ٢٥ سم ثم احشيه و اسقطيه في ميه بتغلي ليتسلق
|