طيب بصو بقى انا كنت وعدتكم اني اتكلم عن المواد
واتكلمت عن العربي قبل كده وماده المرة دي هي **الرياضه**
معلش اتأخرت عليكو بس البوابه مكانتش بترضى انها تحمل فكنت بزهق وامشي
بصو بقى الرياضه دي عشق ماده للي دماغهم عاليه بجد اللي ملوش في الحفظ والدش وبيحب انه يفكر ويستلذ كده لما يوصل لحل مسأله صعبه 3>
الكتاب : انصحكو بمذكره الاستاذ اللي بتاخدو عنده وكتاب المعاصر أو لامي عشان لو فاض وقت معاكو وعشان الامتحانات
وكتاب المدرسه والدليل دي حاجه اساسيه بس لو مذكره استاذكو فيها مسائل من الدليل فممكن الاستغناء عنه
المنهج بقى صعب يمكن مش صعب كمحتوى ويبقى بسيط ان شاء الله بس هو أكيد صعب ككميه مش فاهمه أنا ايه مشكلتهم مع طالب علمي رياضه
أولا اختار مدرس كويس يكون بيهتم جدا بالواجب وبيعمل امتحانات علطول ويكون بيشجعك علطول لانك هتحتاج تشجعيه خلال السنه
ركز كويس اوويفي الدرس بحيث انك ترجع فاهم الدرس حوالي 40 أو 50%
نرجع بقى البيت نمسك المكان اللي قررنا نذاكر منه ونبدأ نحل الاسئله المحلوله بس مش تقراها وتطلع تجري ع الحل لا تحاول على قد ما تقدر تحلها بنفسك وبعدين اتأكد من الاجابه أو لو غلب حمارك يعني تب ع الاجابه مسأله ورا مسأله وهتحس انك تمام في الدرس بس برضه حتى لو بقيت تمام متسيبهمش غير لما تخلصهم
الواجب بقى ده شئ مهم وضروري جدا في الرياضه بالذات تحله كله حتى لو في مسأله مش عارفها تحاول معاها او ع الاقل تبدأ فيها ممكن توصل وحتى لو موصلتش يبقى اسمك حاولت
حاول تسرع ايدك في الحل اتعود ع القلم الجاف عشان الحوار ده كان عاملي أزمه لأني دايما امتحانات أو واجب كنت بحل بالرصاص بص بيخلي ثقتك في الاجابه تقل لانك عارف انك ممكن تمسح وطبعا بياخد وقت لأن وقت الامتحان ساعتين بس !!
مفيش وقت أبداً أبداً أنك تكتب رصاص بعدين تحبره
حاول يكون بالك طويل وعندك برود أعصاب ليه عشان تعرف تعدي
الرياضه سرها الحل الكتير الكتير جدا جدا جدا ............. إلى ما لانهايه
وتحل المسأله مرة واتنين عشان تثبت الفكره بس مش ورا بعض على فترات لأن ساعات احنا بننسى احنا حلينا المسأله ازاي
وده الأدعى انك لما تلاقي مسأله صعبه أو فيها فكره تعلم عليها كده علشان ساعه المراجعه مش هيبقى في وقت انك تحل كل المسائل
تقريبا دي كل حاجه ولو افتكرت حاجه تانيه أكيد هقولها
أهم حاجه بجد انك تعرف توازن وقتك بين الرياضه وباقي المواد لان دي تقريبا المشكله الكبيرة في علمي رياضه بنديهاوقت كبير وهي طبعا تستحقه بس في المقابل بنهمل باقي المواد
بتسمعش اللي يقولك الرياضه مستحيل تقفلها أو أنها صعبه هي مش صعبه طالما أنت حاببها
بس مع ذلك حط في دماغك انها خوانه فمتدلهاش الأمان
وربنا يوفق الجميع
أي استفسار أنا في الخدمه
واستنوني بإذن الله في باقي المواد