[رفيقة الامل]

المشاركة الأصلية كتبت بواسطة Mohamed_Hamza

يارب
والله بجد نفسي كل واحد فيكم يخرج مبسوط النهاردا.. من قلبي بقول كدا والله..
بس مهما يكن حلك في العربي دا مجرد امتحان واحد مش بيمثل نتيجتك خالص دا جزء بسيط منها مش هيأثر..
اعرف واحد لخبط الدنيا في العربي بس ميأسش وربط على كدا، وقفل الباقي كله (بس نقص درجة في الانجليزي عشان اكون صريح بس) وفي الاخر جاب مجموع عالي ودخل كلية القمة اللي انتوا عارفينها دي..
خليك زي دا
وفي واحد تاني اعرفوا بردو جاب درجة ممتازة في العربي، بس الباقي لخبط فيه، مش عارف اتغر في نفسه ولا ايه اللي حصله بالظبط، مش جاب المجموع اللي هو عايزه في الاخر.. لا نفعته درجته في العربي ولا يحزنون..
عايز اقولكوا ان اداءك النهاردا ودرجتك في العربي -مهما يكن حلو او وحش- مش مقياس خالص لاداءك ودرجتك في باقي الامتحانات ولا حتى مقياس لمجموعك الكلي... ابداً... خالص.. (مش عارف اجيبهالكوا ازاي)
المهم
انسى العربي خالص اهو هم وخلص خلاص، التفكير فيه بقى غير مفيد بتاتاً
وركز في المادة الجايه وبس..
ولو انت لخبطت النهاردا متخافش ربنا هيعوضك في المواد الجايه والله بس انت شد حيلك واربط على كدا..
احمد ربنا من قلبك واتأكد ان الخير جايلك.. اللي حصلك النهاردا دا اختبار لايمانك مش اكتر.. اعرف ان كله مكتوب من بدري ودا نصيبك،، ريلاكس بقى وروق كدا هاه
متخافش لسه فاضلك درجات كتير عشان تلحق الكلية اللي انت عايزها بس انت حافظ عليهم على قد ماتقدر واعمل زي صاحبنا الاولاني العسل دا، شد حيلك انت بس واللي جاي سهل تعوض فيه بإذن الله..
ولو ربنا كرمك النهاردا احمد ربنا بردو وانزل سجدتين شكر للمولى، واوعى تعمل زي صاحبنا التاني الاستاذ بتنجانه.. انسى العربي وركز في اللي جاي بردو..
وربنا يجعلكوا الصعب سهل ويوفقكوا ويعينكوا في اللي جاي كله، ويكرمكوا في تصحيح العربي بدرجات من حيث لا تعلمون..

الحمد لله ع كل حال
قدر الله وما شاء فعل
المهم احنا نظامنا ايه ف الصيام والمذاكرة
عشان انا مش عارفة السيستم ايه