[Mr M.Elwan]

المشاركة الأصلية كتبت بواسطة ايهاب احمد على

طيب بالنسبه لحضرتك انت تضمن ان غيرهم يروح مكانهم ويدخل عمله صعبه فى ظل الاتجاه للحد من العماله الوافده وتوطين الوظائف يعنى لو الناس دى رجعت انت تقدر تودى ناس مكانهم ولا كلام وخلاص وساعه الجد ولما ترجع الناس دى وتقف التحويلات بتاعهم وتزداد الحاله الاقتصاديه سوءا ما نلاقيش حد يتكلم وبعدين ليه الكلام ده مش فى التربيه والتعليم ولا وزارة الصحه مثلا الوزارات دى يعنى ما فيهاش عجز ولا العجز فى الازهر بس وبعدين ليه ما يكونش هناك تعيينات جديده ومنها الشباب يستفيد والناس اللى فى الخارج تفيد البلد معلش سيبوا اللى فى الخارج فى حالهم وكفايه عليهم الغربه ومرارها وهما لو لاقيين فى فايده من القعده فى البلد كانوا قعدوا مش عايزين كل واحد يقعد يزايد ويعمل نفسه قلبه على البلد

يعنى يعملوا حفظ وظيفة ومكان محجوز لهم لحد ما يرجعوا وفيه شباب يموت علشان يحصل على وظيفة بتخصصه ومش يلاقى يقوم يشتغل ف اى مجال تانى يكره نفسه فيه واحيانا يياس ويضطر يبقى فاسد علشان الباشا يظل طول عمره فى الخارج وتخصصه فى عجز ويعملوا كام مسابقة وميلقوش حد زى فى الرياضة والانجليزى والله يا جماعة اعرف شباب معاهم تربيه وبتقديرات ومشلاقيين مكان فى التعليم
لازم نكون منصفين