[Duke Tefa]

المشاركة الأصلية كتبت بواسطة أذكرو الله

طيب معلش هو انا اقدر اجيب درجات عاليه في العربي والانجلش ازاي 😢

مشكلة العربي والانجلش واللغة الاجنبية التانية بيسموها البعض بانها مواد اكلة للدرجات
بالذات الانجلش والفرنساوي او الالماني او الايطالي ايا كنتِ لانهم بيعتمدوا علي التراكمي شوية
* الانجلش بيحتاج لحفظ كلمات كتير من اول السنة لو هتبدي تذاكريه من دلوقتي يبقي تحفظي الكلمات بتاعة الوحدات كويس وتذاكري الجرامر كويس وأفضل مذاكرته من كتاب سينيور واحفظي كلمات كتير غريبة من اي مصدر
واعلمي طالما حفظتي كلمات كتير كلما هتعرفي تعبري اكتر سواء في البرجراف او المواقف etc....
*- اللغة التانية دي فسهل انها تلميها في اي وقت لانها مش بتعتمد علي الكلمات كتير اعتمادها اكتر علي الجرامر وكلمات الدرس وبس ابدي من دلوقتي ذاكريها
-* اما العربي وده عليه 80 درجة كاملة
والعربي لازم لازم لازم يتذاكر من اول السنة لاني بيعتمد علي الحفظ طبعاً سواء كان ادب نصوص قراءة قصة عدا النحو بيعتمد علي الحل الكتير
فلو ضايعة في العربي يبقي تحاولي تنجزي سريعاً في الفترة دي
يارب اكون افدتك