انا عندي رأي صغير كده يعني لو حنفترض ان المذاكرة بمقياس من 10 وكلنا بنحاول مثلاً نوصل للدرجة رقم 9 في سنة 3 عشان أوصلها لازم على الأقل اكون في 1 بالدرجة 7 و ف 2 بالدرجة 8 عمري ما حتكون درجة مذاكرتي 5 ف 1 و 6 في 2 و حنط من 6 ل9 في 3 انا ف1 كنت بذاكر يعني الحمد لله حلو يعني ( على قد 1 ) بس اتظلمت جداً جداً و نقصت 35 درجة معرفش ليه وازاي هي مدرستنا مش كويسة بس مش للدرجة دي بس خدتها عند يعني وقلت ححاول اذاكر 2 جداً و عشان ازود الصعوبة قررت مش هاخد غير كيمياء بس و الحمد لله ذاكرت حلو انهاردة صاحبي كلمني قالي النتيجة طلعت روحت خليت واحد جبهالي معاه بصيت فيها لقيتها وحشة هي كانت حلوة يعني بس كنت طمعان فأكتر من كده بكتير قلت الحمد لله و سكت وروحت ماما فتحتلي الباب قالتلي عملت ايه اديتها الشهادة ودخلت قعدت اعيط و اخبط دماغي في الحيطة و بؤس وكده دخل اخويا الصغير قالي علي فكرة دي مش شهادتك اساسا ً بصيت في الاسم لقيته مش اسمي نزلت اجري تاني علي المدرسة و كانت زحمة جداً عن أول مرة استغليت واحد برضه فانه يجبهالي ولقتها 103 فرحت جداً زي ما كنت حاسبها تقريباً بالظبط يعني معظم المدرسة مظلومة و درجاتها واقعة بس الحمد لله ربنا كرمني عشان تعبت اوي بس كنت بموت يعني ففعلاً ربنا عمره ما يضيع مجهود حد وساعات بحس ان الدرجات والنتيجة مش بتبقى بالتصحيح والتعليم علي قد ما هي بالمذاكرة بس يعني الحمد لله حاليا انا بعمل كده
