[بورسعيدى]

المشاركة الأصلية كتبت بواسطة hana montana

شكرا على الموضوع

على فكرة انا زيك من بورسعيد وشايفة الحال

الناس مش لاقية تاكل

يا ريت بس الريس وهو بيتغدى يفكر فى الناس دى

لو بس فكر فيهم انا واثقة انة مش هيعرف ياكل

وشكرا تانى على الموضوع

لا .. بيقدر ياكل وبيشبع وبيحلى كمان
بس للأسف احنا مانعرفش هو بياكل ايه بالظبت ولا بيحلى باية

نورت الموضوع يا بلدياتى

المشاركة الأصلية كتبت بواسطة بندق__2007

احنا معاك يا أستاذ بورسعيدى
يمكن نجحت فى تصوير بعض ما نعيشه من جوع و هذا بند واحد
مازال هنالك الكثير من البنود : الذل / الخدمات / القهر / التعذيب / التعليم السئ / و القائمة طويلة
أتمنى أنها توصل أتمنى
لأنى لا أحمل عدواة لشخص الرئيس و لا أكرهه و لكننى مختلف معه فى سياسته و نظام حكمه
هذا لأننى مواطن مصرى و هو رئيس مصر
لو كنت بتحب البلد يا ريس بجد و عاوز تعملها حاجة على الاقل نضفها يا ريس
احنا مش اعداءك و لا بنكرهك احنا عاوزين ناكل و نشرب و نعيش و نتعلم و نتجوز و نخلف
و ولادنا ميبصوش لينا فى يوم و - سورى - يتفوا فى وشنا عشان خلفناهم فى العيشة دى
اتمنى انه يحس بينا بقى كفاية ....... كفاية 27 سنة هو فى وادى و احنا وادى

هو فى وادى واحنا فى وادى النطرون
يحس بمين ياعم بندق
كل البنود دى طبعا مهمهة لكنها مش اهم من الاكل لما يقدر يحل مشكلة الاكل يبقا يشوف مشكلة تانية
يعنى هى المشاكل هاتخلص؟؟؟
بس هو يتحرك بس
بس هايتحرك ازاى وامتى ..... هو الراجل فاضى ؟؟
شكرا لك يا ابو البنادق على ردك وتشريفك
happiness_sadness7

السلام عليكم ......... بصراحة موضوع رائع وربنا يكرمنا ويوفقنا علشان نطلع من كل المشاكل ده علشان انا حاسس ان المصايب عادت متلتله فوق روسنا كلنا بندعي ربنا يزيح الهموم عن كل المصريين ؟؟

فعلا انا تعودنا على المصايب خلاص
وزى ما قلتم انه لو تخلصنا من المصايب والكوارث مش هانقدر نعيش
شكرا لك على مرورك الكريم