انا الحمد لله فى تانية وجبت 29.5 ونصحتى لو عايز تجيب درجة كويسة فى التعبير
اعمل افكار للموضوع وبعدين اكتب مقدمة كويسة فى الموضوع
وابدأ اسرد الافكار فى هيئة فقرات كل فقرة تكون توضيح للفكرة وياريت تكتر الافكار وتحاول ترتبها ولو كتبت فى كل فقرة
من 8 الى 10 سطور هتلاقى الموضوع كبر وبقى مرتب جدا وياريت تبدأ كل فقرة بكلمة قوية
تلفت نظر المصحح وتحسسه انك عنك مصطلحات لغوية جامدة
وسيب جزء صغير من السطر لما تيجى تبدأ الفقرة مثال لو مثلا بتكتب عن العلم هتقول مثلا
...(سيبها فاضية)..... انه من البديهيات الفطريه ان احدا لا يشك فى ان العلم نور وضياء
والجهل ظلم وظلمات ...............وحاول تستشهد بأيات لو انت حفظها كويس واحاديث واشعار
واهتم اوووووووووووووووووووى بهمزات القطع والوصل لأن المصححين بيحسبوا عليها ودى اكتر حاجة بتنقص الطلبة
وهقولك على طريقة سهلة عشان تفرق بين همزة القطع والوصل
حط (و) او (ف) قبل كل الف لو اتنطقت الالف تبقى قطع ولو متنطقتش تبقى وصل
والافضل لا تشطب ولا تسيب سطر وحاول يكون افضل الموضوع اوله واخرهلان المصحح
مش بيقر غير اول الموضوع واخره ومن خلاله يعرف اسلوبك
وحاول تكتب باسلوب جميل وخط جميل وواضح وابعد عن الكلمات اللى تغلطك
زى ابناؤهم وابنائهم ..............وما شابه ذلك وحاول تركز وانت بتكتب كلمات تعرب بعلامات فرعية
وفى الاخر اكتب خاتمة مناسبة للموضوع
وربنا يوفقنا كلنا واسفة طولت واعذرونى ان الكلام مكسر شوية
__________________
الدنيا
عجوز شمطاء تزينت بكل انواع الحلى
|