[asmaa232]

• ازيكوا
• انا لسا مخلصة ثانوية الحمد لله وجبت 99.02 % يعنى 406 ودخلت طب المنصورة
  
  
• كنت عايزة اقولكوا حاجة بس
• متسمعش لأى حد يقولك متزاكرش ف الأول عشان هتيجى ف الأخر وتزهق
  
  
• شوف خلينا متفقين ان انتوا لازم تزاكروا من الاول عشان حاجتين
• اول حاجة لما تزاكروا الأجزاء الاولى أول بأول بيكون قدامكوا متسع من الوقت ف بتتقنوا الأجزاء دى كويس جداااا وصعب تنسوها
  
• تانى حاجة ان كله بلا استثناء سواء مزاكر أو مش مزاكر هييجى على شهر يناير أو فبراير ويزهق فلما تزهق وانت مزاكر ومظبط اللى فات دا هيديك ثقة انك تكمل وتبقى تمام بعد كدا
  
  
• ومتسمعش كلام حد من الأكبر منك يقولك دا انا لميت المنهج ف اخر شهر ودخلت طب مثلا .. لا كله كان بياكل الكتب أصلا
  
  
• واهم حاجة طبعا ابعدوا عن التوتر والكلام الفاضى دا
  
  
• زاكروا المنهج والحاجات اللى تاخدوها ف الدروس وخلاص مش لازم تخترعوا او تلاقى مثلا صاحبك بيتفزلك عليك بكام سؤال كدا فتتعقد .. لا الامتحانات بتييجى مباشرة جدا
  
  
• بلاش شغل الخباثة وانا مزاكرتش حاجة والكلام دا .. والله الناس اللى بيعملوا كدا مبيوصلوش لأى حاجة ..
  
  
• السنة مش طويلة ومش مملة ولا حاجة لو زاكرت اول باول وشغلت نفسك بالمزاكرة مش هتحس بالوقت اصلا
  
  
• بالتوفيق ان شاء الله .. ولو احتاجتوا حاجة احنا موجودين