[سوسوكاتى]

المشاركة الأصلية كتبت بواسطة emadfawzy

الأستاذ الفاضل
ما تفعله خطأ كبير لأن العام الدراسي لم يبدأ بعد و أنت تقوم بهذا العمل السئ لأن الطلبة سوف يقومون بغش الإجابات بدلا من اجهاد انفسهم في الحل وهذا الفعل يدعونا الي التراجع عن فكرة طبع نموذج إجابة أصلا في الأعوام القادمة
عماد فوزي
أحد مؤلفي الكتاب

مع كامل وخالص احترامى لحضرتك أستاذنا ..
احنا عندنا فى البلد المدرسين كلهم بيشتغلوا من مذكراتهم الخاصة بيهم واللى فيها أسئلة لا تسمن ولا تغنى من جوع ودائما نشترى الكتاب الخارجى عشان هو مصدر ضرورى للأسئلة
اللى بيخلينا نحتاج للإجابات زى ما الأساتذة الأفاضل قالوا إن احنا ساعات بيقابلنا أسئلة مش بنبقى متأكدين منها وطبعا أما بنسأل "مدرسين الدروس الخصوصية عندنا " اللى بيشخط فينا ويقول انا مش هجاوب حاجة غير من مذكرتى واللى يقول انا مش مسئول عن أى أسئلة خارجية "إلا من رحم ربى طبعامش هعمم"
فإحنا فى أمس الحاجة لهذه الإجابات لنطمئن على حلولنا ونعرف مستوانا خاصة فى عام مهم زى ده
وكمان حضرتك فى مدرسين اكيد بيحتاجوا نموذج الإجابة عشان فى أسئلة بتلتبس إجابتها على البعض خاصة غير المتمرسين من معلمى اللغة
والموضوع فى الأول والآخر حكاية أمانة للطالب مع نفسه اللى هيغش الإجابة يبقى بيغش نفسه وأهله ومحدش هينفعه واللى بيغش بيغش طول عمره ..

آسفة على الإطالة ودى وجهة نظر طالبة ثالث ثانوى من قلب الحدث