انا طالب برضو هقلك انا عملت ايه
أولا : أنا الحمد لله الـ 3 سنين الإعدادي وأولى ثانوي انا مقفل الإنجلش
ثانيا : في كام Step لازم يتاخدو عشان الواحد يبقا متقن انجليزي مش لازم افلام ولا كلام يوجع الدماغ لأنك هتعيدي المشهد 50 مرة عشان تفهمي اتقال ايه
Step 1 : التكثيف في قراءة كتب الانجليزي لشكسبير وديكينز والكتاب الكبار دول انا عن نفسي قرأت هاملت وعطيل وقصة مدينتين وأوليفر تويست (الرسمي) والعجوز والبحر خدو مني بالظبط سنتين انا اظن لو كتابين منهم كفاااية جدا عشان يخلوكي بيرفيكت في الإنجليش
Step 2 : الأساتذة هنا مش مخليين يعني في كمية مذكرات رهيييبة أفضل من أي كتاب خارجي المذكرات دي تكفي انك تجيبي ال Full Mark في الإنجلش
Step 3 : لو عاوزة تستعيني بكتاب خارجي كتاب المعاصر ما شاء الله السنادي نازل بشغل جديد راائع بصراحة نازل بقوة وتمكن من المادة كويس يعني في الغالب الامتحان مش هيخرج عنه
Step 4 : خلي علاقتك بربنا حلوة وصلي صلاتك في ميعادها واقري قرآن كتير وادعي ربنا انه يوفقك ولكل مجتهد نصيب
ربنا معاكي ويجعل الكلام ده مفيد بالنسبالك ويارب أني اكون قدرت أساعدك بحاجة في بحر من حاجات انا معرفهاش
|