[Duke Tefa]

المشاركة الأصلية كتبت بواسطة أمــلــي فــ ربنـــا كبيــــر

انا اعترض

اول الحاجة القصه ابعدوا تماما عن حكايه سؤال و جواب لان في حاجات مش بتيجي في الاسئله دي
الفصل بيتذاكر من الاضواء كل جزء فيه لازم تعرفه و دا طبعا مش بيحصل من اول مذاكرة
بعد كدا مفيش مشكله تبصوا علي الاسئله و تشوفوا اللي متعرفيش تجاوبوه شوفوا اجابته
حل من مكان ما تحب بقا
و حلو فعلا انك تتخيل الاحداث دا هيثبتها عندك اكتر
اللي يعرف حد في الدفعه اللي قبله يسأله علي cd بتاع الاضواء
هتلاقي القصه فيها ناس بتنطق النص الاصلي بفهم دي لو نسختها ع اللاب و شغلتها تسمعها قبل ما تنام هتحفظ النص من غير مذاكره اصلا
اسأل مجرب (اللي هو انا ) هتحس وانت بتكتب الاجابه انك سامع النص في ودانك

النصوص كتير
من دلوقتي وانت فاضي كدا شوف الحفظ و احفظة و لحنه وامشي غنيه في البيت لعند ما يلزء في دماغك
دا هيوفر معاك وقت رهيب وخصوصا قبل الامتحانات لان معظم الناس مش بتحفظهم غير قبل الامتحانات
انت وانت بتحفظ النص اكيدلازم تفهم الكلام مش هتحفظ كدا و خلاص
فانت كدا عرفت الكلمات و ركز علي اللي بتتنسي بس
هات ورقه و اكتب فيها اول بيت
و حاول تطلع اي جماليات (انت بقالك سنتين بتاخد بلاغه و المفروض انك فهمت النص )
الجماليات الرخمه الغربيه اللي صعب تطلعها لوحدك دي اللي تتحفظ لا النصوص كتير و مليانه جماليات
التعليق حاول تركز علي بتاع المدرسه
الاضواء راغي بشكل فظيع
و عايز تحل نصيحه حل اللي جه من النص دا في امتحانات السنين اللي فاتت (الرساله مراجعه )


البلاغه
انا ذاكرتها اخر كام شهر
بس لو هتحل كل اسبوعين حتي قطعه هيبقي زي الفل

النحو
محتاج حل كتير
حل من الرساله مراجعه في قطع كتير لامه المنهج
في البدايه هتحسها صعبه اوي بس لما تتعود هتحل ب 3 قطع في اليوم

الادب من كتاب المدرسه مفيش نقاش
و الكلام اللي تلاقيه ينفع علل او ما النتائج تكتب جمبه علل بخط صغير و تشد خط خفيف تحت اجابته مثلا
توفيرا للوقت بدل ما تفضل تنقل في كشاكيل

لما تيجي تراجع ادب و نصوص
راجع كل مدرسه بالنص بتاعها عشان تعرف تربطهم ببعض

معلش رغيت كتير

انا قولت كدا بردو
جزاكي الله كل خير

المشاركة الأصلية كتبت بواسطة أمــلــي فــ ربنـــا كبيــــر

نصيحه اقرأوا القصه دلوقتي بعيدا عن اي محاوله حفظ او تركيز زياده في الاحداث
استمتعوا بأسلوب طه حسين و الحياة في الزمن بتاعه و هتحبوا القصه ان شاء الله

جزاكي الله كل خير