[طلال سلومه]

المشاركة الأصلية كتبت بواسطة عزتى في دينى

ونرجع مره تانيه

أهلا وسهلا بكمـ في برنامجكم الجديد " ذكريات الطفوله "
سوف يتم أختيآر عضو/هـ
من أعضاء منتدانا الغالي
وبنطرح عليه عدة أسئلة والمطلوب الإجابة عليها

أولاً : بأشكرك جداً على استضافتى فى الموضوع الأكثر من رائع " ذكريات الطفولة " ويارب أكون ضيف خفيف عليكم

الأسئلة /

1 .. صف لنا شعورك عندما كنت طفل ..؟

[COLOR="rgb(139, 0, 0)"]شعور رائع جداً ،، نفوس الأطفال دائماً بتبقى لوحة بيضا كلها براءة .. تلاقيهم بيتعاملوا مع الأشياء والأشخاص بسلامة ضمير وبسريرة نقية جدا .

2 .. بـ أي مرحلة من عمرك أتاك فانوس رمضان ..؟

[COLOR="rgb(139, 0, 0)"]فى المرحلة الأبتدائية وأفتكر كان فانوس بشمع مصنوع من الصفيح والزجاج .. وده أجمل بكتير جداً من نماذج الفوانيس حاليا لأنه كان مرتبط بذكريات كتير جميلة ،، كنا بنشيله فى ايدينا رغم اننا كنا بنتلسع منه كتير لكن كنا بنبقى فى غاية السعادة [/COLOR]

3 .. ياترا من أشترى لك فانوسك هل الوالد أم الوالدة ..؟

[COLOR="rgb(139, 0, 0)"]أفتكر أنه فى الفترة دى جالى أكتر من فانوس واحد من والدى الله يديله الصحة وواحد من خالى ربنا يبارك فى عمره [/COLOR]

4 .. هل كنت تذهب مع الوالد أو الوالدة لتختار فانوسك أم كنت تترك الأختيار لهم ..؟

[COLOR="rgb(139, 0, 0)"]كان والدى هو ال بيختار الفانوس وكنت بافرح بيه جدا [/COLOR]

5 .. بـ أي مرحلة من عمرك بدأت تصوم وهل كان صيامك كاملا

لحد موعد أطلاق المدفع وسماع أذان المغرب ولا كان لوقت محدد حسب مقدرتك ..؟

[COLOR="rgb(139, 0, 0)"]صوم متقطع وانا فى 3 ابتدائى .. لكن صوم اليوم بالكامل كان وانا فى 4 ابتدائى [/COLOR]

6 .. هل كنت تصوم كل يوم ولا كان صيامك أيام أيوة وأيام لأ ..؟

[COLOR="rgb(139, 0, 0)"]كل الأيام ابتداء من وانا فى 4 أبتدائى .. كنت فعلا باستمتع بالصوم جدا ومازلت [/COLOR]

7 .. هل كنت تقرأ القرآن في رمضان إذا أيوة كام جزء كنت حافظ ..؟

[COLOR="rgb(139, 0, 0)"]طبعا ومواظب على قراءة القرآن والحمد لله ... وباضيف أنه مع قراءة القرآن .. متعود الجزء ال أقرأه أقرأ تفسيره فى تفسير ابن كثير .. أفتكر مع نهاية المرحلة الابتدائية وبداية الأعدادية كنت أحفظ فى الوقت ده 6 أجزاء [/COLOR]

8 .. كثير من البرامج الرمضانية منها البرامج الدينية ومنها البرامج الترفيهية

أخبرنا عن أكثر برنامج ديني كنت تشاهده وأكثر برنامج ترفيهي أيضاً كنت تشاهده ..؟

[COLOR="rgb(139, 0, 0)"]من البرامج الدينية : خواطر الشيخ الشعراوى .. وأفتكر زمان كنت باتابع برنامج للدكتور عبد الله شحاته .. وبرنامج العلم والإيمان للدكتور مصطفى محمود .. الترفيهية كتير منها اليوم المفتوح برنامج الكاميرا الخفية .. برنامج حوار صريح جدا لمنى الحسينى .. وكان فيه برنامج بييجى فى الاذاعة اسمه تسالى العصارى للفنان محمد الشويحى ... على ما أتذكر انه أغلب البرامج دى كانت فى مرحلة الصبا [/COLOR]

9 .. أفلام رمضانية تحديدا كرتونية
ما أكثر فيلم كرتوني كنت متابع له وأستفدت منه ..؟

[COLOR="rgb(139, 0, 0)"]مازينجر والمسلسل ده حببنى بشكل غير مباشر فى القراءة فى بعض العلوم التطبيقية[/COLOR]

10 .. تختلف العادات والتقاليد بين الدول
بعض الأطفال ببعض الدول يحبون أن يجتمعون وكلا منهما يحضر فانوسه
ويلعبون به أمام البيت هل كنت من هؤلاء الأطفال الذين يحبون ذلك ولا لأ
وهل كنت تخرج أمام البيت لتعلب معهم ولا كانوا الأهل يمنعوك من هذا الشئ ..؟

[COLOR="rgb(139, 0, 0)"]كنت بأخرج أنا واصدقائى من أبناء الجيران وكان بيبقى معانا الفوانيس طبعا .. لكن بعد الشمع ما يخلص كنا بنبدأ نلعب استغماية[/COLOR]

11 .. هل وأنت صغير كنت تساعد الوالدة بتحضير الأفطار
يعني تأخذ الأطباق وتضعها عالسفره ولا لأ ..؟

[COLOR="rgb(139, 0, 0)"]أفتكر انى كنت باحب أعمل لهم السلطة .. ومازلت حتى الآن باحب أعمل السلطة[/COLOR]

12 .. هل كنت تذهب مع أحد الوالدين أو أخيك أو أختك لصلاة التراويح بالمسجد ..؟

[COLOR="rgb(139, 0, 0)"]قعدت فترة أروح مع والدى وبعد كده بدأت أروح لوحدى [/COLOR]

13 .. هل كنت أول من يجلس عالسفره ولا لأ ..؟

[COLOR="rgb(139, 0, 0)"]فعلا كنت أول واحد يقعد على الطبلية ( مكنش فيه سفرة أيامنا هههههههههه ) [/COLOR]

14 .. موقف حدث لك برمضان وأنت صغير ولازال لحد الأن عالقآ في ذهنك ..؟

[/color]

[COLOR="rgb(139, 0, 0)"]أفتكر ولأنى كنت مدمن فرقعة بمب هههههههههه .. ال كنا فى الوقت ده بنربطه بخيط ونفرقعة فى الحيطة . لأنه كان متوفر جدا فى محل صغير جمب البيت ... فى مرة ربط ربطت بمبة فى خيط وضربتها فى الحيطة فعملت صوت عالى جدا فخرج صاحب البيت يجرى ورايا انا واصحابى فأنا اتكعبلت ووقعت فى نفس الوقت ال كان والدى جاى من مشوار وأخدنى على البيت وطبعا المتوقع عقاب ( مش مهم أقول بقى هههههه ) لانه كان بيحذرنى كتير من موضوع البمب ده .. بس شقاوة بقى[/COLOR]

[COLOR="rgb(139, 0, 0)"]بأتمنى انى كنت ضيف خفيف عليكم

باشكرك جداً على استضافتك ال رجعتنى لسنين كتيرررررررررررررر[/COLOR]