والله انا لقيت نفسى كده عاوز ادى نصايح
قومت دخلت هنا
بس هى نصيحة واحدة هتخليك تعدى السنة بأمان
اوعى تخاف او تتخض من اللى انت فيه....لانه طبيعى
بمعنى
تخش الميد تيرم متعرفش فيه كلمة......شئ عادى....تعوضه فى الفاينال...ده لو انت راجل..
تخش وتخرج من المحاضرة مش فاهم حاجة.....عادى...الدحيحة كتير.....شوف حد يشرحلك
الدكتور مثلا رزل.....مش مشكلة....الدفعة كلها هتتحمل رزالته مش انت لواحدك
ثانيا..حاول تذاكر على قد النجاح
خصوصا فى سنة اولى....
انسى الله يخليك التفوق والترتيب على الدفعة والهجص ده
ذاكر المذاكرة اللى تفيدك وتنجحك...
مثال صغير: انا مثلا فى هندسة ...اهتميت الى حد ما بالفيزيا..لانى شايف انها مهمة ....والرياضة مكنتش بفتحها..
بس ذاكرتها المذاكرة اللى خليتنى انجح فيها...
لو دخلت الامتحان....مش عارف نص الامتحان..اياك والقلق
حل اللى تعرفه.....فكر فى الباقى....معرفتش ..سيب الورق وش وامشى..التصحيح بيبقى بالماينس ساعات..
وبلاش تفتى....وحتى لو مفيش ماينس..فمتفتيش برضو....عشان الدكتور ما يحبك..
ما تذهلش من الكم اللى عليك تذاكره...لانه هيخلص هيخلص...
اهم حاجة التركيز......انا افتكر انى ذاكرت كتاب الانتاج ليلة الامتحان
ما تهتمش بالتقدير قد ما تهتم بالعلم اللى بتاخده.....خلى دماغك نضيفة...
خصوصا سنة اولى...يعنى التقدير فى اولى مش مهم اوى... اللهم الا لو كنت عاوز تحول
حاول تحدد ايه اللى هيفيدك فى الحياة..مش عشان التقدير تذاكر كل حاجة....والانسانيات والانجلش وكده
مشكلة الانجليزى ممكن تفرق شوية لان الدراسة انجلش...
فمش تقلق....هتاخد عليها بسرعة....وهتحس انك مش هتعرف تذاكر غير انجلش!!
اهم حاجة فى ده كله
ما تنساش مكافئة الثانوية العامة....المنحة بتاعت ال 85 ..لانها مهمة جدا جدا
يالالالا ...لو افتكرت حاجة احتمال اقولها))