دي الحلقه الثامنه
يارب تعجبكم
وادعولي كتير ربنا يوفقني في الكليه اللي هدخلها
انا دخلت طب بيطري القاهره
بجد متبخلوش عليا بالدعوه محتاجاها اوي
الحلقه الثامنه
صحيت تاني يوم على صلاة الفجر....قومت صليت في المسجد تحت
بس بقيت حاسس برغبه اني مش عايز اطلع البيت دلوقتي خالص..قولت اتمشى شويه
فضلت ماشي وقاعد افكر في الحاجات اللي بتحصل دي....وقاعد افكر في محمد اللي جاله انهيار
من اللي حصله!........فاجاه جت على بالي فكره...اروح للشيخ اساله
روحت للشيخ...دخلت سلمت عليه...وقعدت حكيتله على اللي حصل لما دخلت القصر
راح الشيخ بصلي وقالي.: انت ايه اللي خلاك تروح القصر
انا: اصلي زهقت يا شيخ...كنت عاوز اعرف ايه اللي بيربط بين اللي بيحصل وبين القصر
راح بصلي بزعل وقالي: انا قولتلك ان اللي بيعمل كده ده هوا الراصد...كان هيقعد يعمل كده شويه وبعدين هيسبكوا
لكن انت بالطريقه دي..هتخلي حاجات تانيه كتير تحصل...............خليك مع ربنا وهوا يحميك..واوعى تروح القصر تاني الا لما كل حاجه تنتهي
خت الكلمتين زي البوكس في سناني وخرجت من عنده.......بس اكتر حاجه استغربتها اني خرجت من عنده...بضحك!
روحت البيت...فضلت قاعد مش عارف اعمل حاجه....لقيت التلفون بيرن
انا: الو ايوا يا هيثم مالك
قالي: الحق يا محمد
انا: ايه اللي حصل تاني
قالي: مش عارف بس اخويا جاي بيقولي انه حلم حلم غريب
استغربت اوي واتصدمت وقولتله اخووووووك
قالي: تخيل
انا: قالك ايه
قالي: حلم اني انا واقف في مكان كبير وكله ضلمه زي مايكون قصر كده وانا قاعد امشي جواه
وفاجاه طلعت اجري اجري لحد ما خرجت من المكان ده
انا: مش عارف....بس مبيتهيأليش ان ده ليه علاقه باي حاجه
قالي: مش عارف بقا...اقوك تيجي نروح لمحمد
قولتله والله فكره زي الفل...تعالى نروحله
قفلت معاه...وقومت لبست وخرجت منن البيت
وطول ما احنا رايحين لمحمد............حاسين ان في حاجه مشيه معانا
لحد ما لفيت فاجاه مره واحده ..... ملقتش اي حاجه
بس كل ما نمشب نحس بكده...راح هيثم لف...لقا القطه ماشيه ورانا!
طلعنا نجري ونجري.......لحد ما وصلنا المستشفى واحنا بننهج ونضحك في نفس الوقت
وطلعنا لمحمد.......بس لقينا شارد الذهن..
انا : سلامو عليكو...اذيك يا محمد عامل ايه
محمد: الحمد لله انتوا عاملين ايه..............هيثم
هيثم: نعم يا محمد
محمد: انت عامل ايه....انت كويس
انا استغربت خصوصا ان نظرات محمد كانت كلها خوف
فبقوله: مالك يا محمد
قالي مفيش.........راح هيثم ققاله: لا فيه ... مالك
راح باصصلنا وقال: حلمت حلم غريب
فقولتله خير
قال: حلمت ان هيثم واقف في القصر لوحده.........وفاجاه طلع يجري .... لحد ما خرج منه....!!!!!!!!!
اقتباس:
الله يبارك فيكى مع انى كذا مرة طلبت منك الترشيح وكنت متاكد من نتجاحك
دا انتى تنجحى بصوباع رجلك الصغنتت
|
معلش
المره الجايه ان شاء الله ابقي ارشح نفسي
شكرا لاهتمامك يا نانو
__________________
Veterinarian and proud to be so
Veteriner ve gurur kadar olmak
Vétérinaire et fier de l'être
Veterinario e fieri di esserlo