الحل الكتير بيفرم المادة وبينجز فى الوقت عن المزاكرة
كل مادة وليها نظامها الخاص
بمعنى يعنى العربى شوف انت ناقصك ايه فى كل فرع
القصة معروف بيجى سؤال من كل جزء من التلات اجزاء
افرم جزئين والتالت اقريه
النصوص الاجبارية تتحفظ ميه
النصوص التانية حل عليها كتير
البلاغة حل كتير عليها
التعبير اكتب مواضيع للمستر يعلمهالك قوله علمها كانك بتعلم ثانوية عامة واكتب فى مواضيع متوقعة السنة دى زى العمل الارهاب التعصب الدينى الشباب حب الوطن النيل الوعى وكده
النحو حل كتير على قد ما تقدر
القراءة المتعددة حل برضو كتير مع المراجعة
مراجعة كتاب الامتحان حلوة جدا وسيبك من مراجعة الاضواء مكانها الزبالة
ودليل التقويم مهم برضو
__________________________________________________ _______________
الانجلش دليل التقويم اساسى وامتحانات الثانوية
راجع الجرامر كويس واسئلة القصة
والكلمات بتاعت كل وحدة بص عليها
فى مزكرة اسمها مرجع الترجمة بص فيها برضو او هتلاقيها فى قسم الانجلش
كتاب توب استيدنت ارميه فى الزبالة
الجيم اهم حاجة وبعده دليل التقويم
__________________________________________________ ______________
الفيزيا راجع كل شبتر واحفظىالفيزيا الحديثة ميه
مسائل الكهربية والحوارات دى شوف دليل التقويم ومسائل ثانوى قديم
وفى مذكرات لمستر محمد الشامل
دى فظييييييييييييييييييييعة
الامتحانات بتيجي منها
موجودة برضو ع المنتدى هنا
كتاب التمارين
الامتحان طبعا
سيبك من الوسام خالص مكانه الزبالة
ودليل التقويم مهم برضو
__________________________________________________ _____________
الكيميا انا زاكرتها من مذكرة مستر محمد غزال هتلاقيها بقسم الكيميا
دليل التقويم مهم برضو واسئلة كتاب المدرسة
العضوية كنت بزاكرها من الكتاب
واسئلة مستر محمد غزال مهمة برضو
لو ناوي تراجع وتحل بلاش كتاب الامتحان خالص
ولا كتاب الوسام
حل دليل التقويم وامتحانات قديمة وبس
__________________________________________________ ______________
الاحياء لازم تكون حفظاها ميه
مسائل وراثة اللى على كايرودار جات بالنص
وكمان مراجعة كتاب الامتحان وامتحانات ثانوى مهمين
دليل التقويم عبيط شويتين بص عليه سريع لكنه مش مهم اوى
__________________________________________________ ____________
الجيولوجيا ( مقدرش افيدك لانى كنت فاشل فيها )
لكن مذكرة مستر حسن متولى فظييييييييييييعة ومراجعاته فظييييييييييعة
بس لازم تتعود على التمارين من كتاب الامتحان
برضو الدليل مش مهم اوى
__________________________________________________ _____________
الفرنساوى عبيط مش داعى انى اتكلم عنه
كتاب ميرسى ضامنلك الامتحان
جانيال لو لقيت وقت حلى شوية فيه
__________________________________________________ ____________
بالاضافة لكايرو دار
بيكون عند بتاع الجرايد ايام الامتحانات مذكرات كده ملونة مكتوب عليها مراجعات ليلة الامتحان اللى بيكون عليها اسماء مدرسين كتير وصورهم ده ( مقصدش مراجعات الجمهورية والوفد دول حاجة تانية )
بيجى منهم كتيييييييييييييييييييييييييير جدا
لانه خلاصة توقعات مدرسين عمالقة وكبار
اوعى تنسوا تجيببوهم
واخيرا ربنا معاكوا وانا دخولى متقطع هنا لظروف الدراسة والامتحانات
[/b]
|