[رشا الطيار]

-
حلمت اني أعدة في فصل او حاجة زي كدة و في طلبة و مدرس بيشرح و بعدين واحد بنت لفيتها بتقولي ردي يا ميار على تيليفون بسرعة فبكلم لقيت واحد بتقلي انتي ميار قلتلها اه قلتلي في رزق كتير اوي فوق بيتكوا قلتلها وانتي عرفتي من فين قلتلي مش اختك اسمها ندى بردو قلتلها اه اسمها ندى قلتلي يبقى انتوا فعلا الي في رزق و خير فوق بتكوا و قفلت .. فانا بقول لصحابي مين دي و عرفت الحجات دي من فين ... قلولي دي واحدة اسمها نورهان بتقدر تعرف حجات محدش يعرفها فانا سكت و بعدين خلصنا فطلعت لقيت الدنيا بتمطر و جيت اركب العربية دي لقيت الست الي كلمتني في التيلفون بتجري ورايا بالعربية بتاعتها و هيا لابسة عباية سوداء و حجاب اسود و انا خايفة اوي و عايزة اجري منها و ببص ورايا في كرسي العربية لقيت بيبي جميل اوي و ابيض و تخين كدة فانا اتخضيت اوي و اعدت اعيت عشان مش عارفة مين ده لحد موصلت لمكان كانوا بيت و دخلت بسرعة و بعدين جيه شاب انا معرفوش طويل لابس قميص ابيض (بس في الحلم انا عارفاه المفروض ) و اعدت احكيلوا و اقولوا انا خايفة اوي في واحدة بتجري ورايا و هو اعد يضحك و يقولي مفيش حد متخفيش خالص .. و بعدين خد البيبي الصغير مني و اعد يلعب معاه و بعدين انا نزلت لقيت بابا و عمي محمود راكبين عربية جميلة جداً سوداء و كبيرة اوي و ببص ورايا لقيت نفس الست دي موجودة و بتبوص و بتضحكلي بس انا بردو خايفة منها

الراجل ده كان أسمر قمحي شوية و طويل و لابس قميص ابيض و البيت كان مفروش أخضر و بني .. لما شوفت بابا و عمي في العربية كانوا في مكان كلوا خضرة و نظيف جداً جداً و لما كنت راكبة العربية الطريق الي كنت ماشية فيه كان طرق طالع لفوق يعني الارض مش مستوية لا كانت طالعة لفوق كانوا بداية جسر
السن 21 سنه غير مرتبطة طالبه ملتزمه