[أسيل رزق]

حلو أسلوب السخرية والتريقة اللى عمالين تتكلموا بيه ده

كان ممكن كل واحد يتكلم بأسلوب أحسن من كده

على الأقل لما يترد على كلامه يترد بأسلوب محترم

المشرف لازم يجرب يدوس على زرار الحذف والنقل عادى يعنى

بجد حضرتك تستاهل الوسام الجميل اللى تحت إسمك !!!

سيدنا أبو بكر رضى الله عنه وأرضاه
قال
" أيها الناس قد وليت عليكم ولست بخيركم ، فإن أحسنت فأعينوني ،وإن أسأت فقوموني "

ومفيش إنسان معصوم من الخطأ يعنى كلنا متعرضين للخطأ ليه لما واحد بيغلط بحس إنكم معلقين له المشنقه وزى ما يكون أعوذب الله كفر ولا حاجه
أو متهم فى قفص إتهام والمفروض يدافع ويستنى حكم القاضى

ياحبيبى إحنا كلنا هنه أسره واحده لا فيه فرق بين مشرف ولا عضو
كل الحكايه
إن لكل شيخ طريقه يعنى أنا ممكن يكون موضوع مكانه حى على الفلاح بس مكانه الأنسب الركن العام مكانه صح فى حى على الفلاح بس الأنسب له العام دا من وجهة نظرى لكن من وجهة نظر مصطفى مثلاً الأنسب له حى على الفلاح وهكذا على بقيه الأقسام ونفس الشىء المشرفين

لكن فى النهايه هدفنا كلنا واحد وهو التنظيم يبقى المفرزض يكون فيه بينا شىء من تبادل الإحترام أكتر من كده
يعنى موضوع زى ده أنا عارف إنك مأخطأتش فى كلمه فيه وعارضه بإسلوب كويس رغم إن فيه شىء من الإستفزاز لكن بص على ردود الأعضاء كل واحد بيدخل يقوله كلمه ونقلبها خناقه فى الأخر
ليه مكنش يبقى كلامك مع إسلام فى رساله خاصه ولما رده ميقنعكش يبقى تكتب موضوعك مش على طول جرى على قسم الشكاوى وأكتب والأعضاء تهيص

ياجماعه فيه فرق بين النصيحه والفضيحه
وفيه إسلوب أفضل من كده نتعامل مع بعض بيه
فكر فى كلامى كويس
ولك منى فائق الإحترام والتقدير

وربنا يهدى الجميع