اقتباس:
المشاركة الأصلية كتبت بواسطة karem_pro
بسم الله الرحمن الرحيم
ازيكم يا باشمهندسين 
انا ورقى اتقبل فى معهد القاهره العالى للهندسه وعلوم الحاسب 
محموعى جاب علوم الحاسب الحمد لله
والحقيقه هوه بعيد جدا عليا بس الى جه فى مجموعى من شبرا للتجمع تلات سعات
((وعلى فكره لسه فى مكان فى المعهد الى داخ زى على معهد علوم حاسب
الى عايز يقولى واوصفلوا العنوان بالظبت ))
المعهد يقبل طلاب الشعبه العلمي رياضه فقط
شهاده معادله لشهاده حاسبات القاهره نفس الشهاده يعتبر
ويقيد فى نقابه العلميين بعد التخرج زى الحاسبات الحكومه
عندى سته اسئله بالظبط
عايز اعرف رايكم فى المعهد ده
بمعنى ان بعد سنه اولى احول واروح
اخبار اليوم او مودرن
ولا الى انا فيه كويس ؟
تانى حاجه عايز اعرف طبيعه
المواد الدراسيه
برمجه هيكليه وحزم برمجيه ذكاء اصتناعى وهكذا
تالت حاجه تنصحونى ابدا كورسات امتى فى انه سنه ابدا
وابدا بايه انا اعرف شويه فى c واتقن
html , css .php
رابع حاجه بقى هوه الواحد يجيب امتياز ازاى
خامس حاجه
اى اكتر ماده قريبه لمجال البرمجه وسوق العمل عشان اتعمق فيها اكتر
وايه هيه جمعيه مهندسى البرمجيات وليه ملناش نقابه وبنروح مع العلميين ؟
بس كده
مشكورين مقدما
منتطر الرد |
اولاً ... المشكله مش هتبقى فى المعهد هتبقى فى حضرتك اذا كانت حابب المجال ولا لاء لآن المجال ده مش معتمد على ان 1+1 = 2 للآسف فى الحاله دى بيبقى 1+1 بيساوى ارقام كسريه كبيره جداً لا حصر لها ولا عدد .... للآسف لازم تكون حابب المجال و تحاول تشجع نفسك انك تعمل حاجه كويسه ...
------------------------
بالنسبه للتحويل دى محدش يقدر يفيدك فيها لآن فى الحاله دى بيبقى معتمد على ... مجموع الثانويه ساعات و ساعات على CGPA و حاجات زى كدا فممكن تقدر تستفسر من القبول و التسجيل عندك و عند المكان اللى حضرتك هتحول فيه ...
-------------------------
بالنسبه للكورسات بتبقى حاجه تكمله لمواد الكليه بتعتك .... و انسى كلام اللى بقولك الكورسات لوحدها تكفى... عشان تبقى متميز لازم تكمل دراستك بكورسات للآسف .....
-----------------------
من وجهة نظرى انك لازم تاخد كورسات بعد سنه 3 .... لآن لو بدأت من دلوقتى مش مفيد لآنك لسه هتاخد فى الكليه C++ Lv 1 و كمان OOP و File wa data structure ... و كمان DB يعنى بمعنى اصح مش هتعرف تلم ده كله خارج الكليه ..... ممكن بعد سنه 3 تبدأ و انت مرتاااح
-----------------------
من ناحيه الامتياز دى مقدرش افيدك فيها لآن دى بتبقى فى ايد الدكتور .... لو دكتور كويس ممكن يديك امتياز و انت مستواااك 70% ممكن يكون مستواااك 95% و متوصل الامتياز
------------------------
اكتر لغة هتبقى على حسب رغبتك انت حابب ايه و عوز تشتغل ايه بالظبط و من خلال ده هتحدد اللغه اللى ممكن تمشى فيها ...........
جمعية مهندسى البرمجيات تقدر تشوف الموضوع بتعها او تبحث على الانترنت و تتوسع فى المعلومات عنها .... اما بالنسبه للنقابه ممكن يحصل و لو محصلش كدا كدا معظم مهندسين البرمجيات مبتقعدش فى مصر فمش مشكله يعنى
-----
تحت امر حضرتك يا فندم