احب أسأل معالى الوزير لماذا كفاءتنا كمدرسين تؤهلنا للتدريس للطلبة بدون اختبارات وعندما طالبنا بزيادة المرتبات اخترعت قصة الاختبارات يعنى انت مآمن على الطلبة وهم فى ايدينا ومش مآمن على فلوس الدولة .اعطينا سبب مقنع لهذه الاختبارات انت عارف لو كانت الاختبارات دى دورية وغير مرتبطة بالكادر كانت هتبقى موضوعية وغير مهينه لكن انت كده بتقول للعالم كله استنوا لما اختبر المعلمين اللى بقالهم زمن بيعلموا ولادنا واتخرج من تحت ايديهم اطباء ومهندسين ومدرسين وطيارين و........ استنوا لما افرجكم عليهم اصلهم تجرأوا وطلبوا زيادة فى المرتب علشان يعيشوا زى البنى آدمين هما ما يعرفوش انى لغيت بيت الشعر بتاعهم وحطيت بداله واحد جديد بيقول :
قم للمعلم وفه التنكيلا *** كاد المعلم أن يكون ذليلا
ارحمونا بقى وشوفوا المرتبات فى البترول والمالية والبنوك وبعدين حاسبونا بعد كده على مرتباتنا اللى بتصرفوها لنا !!!!
آخر تعديل بواسطة zeinab youssef ، 26-07-2008 الساعة 08:56 PM
|