اقتباس:
المشاركة الأصلية كتبت بواسطة tasneem alghazaly
ربنا يكرمك يا دكتور ويجازيك خير ع النصايح دى
ممكن تقولنا ايه رأيك فحكاية ان الدروس تقف من شهر كام كدة ولا منوقفش دروس اصلا ونكمل لحد الامتحانات ولا فى مواد كدة ومواد كدة ؟؟ عشان احنا محتارين فالحكاية دى وقلقانين مثلا العربى حاسة انه لازم نفضل نحل مع المدرس لحد اخر لحظة
وشكرا ع اهتمامك  |
بص .. بلاش تفصل الدروس خالص
بس مفيش مانع انك تغيب ..
بس برضو اللي يحكم الموضوع ده انت
لو بتروح الحصه وبتبقي عارف كل المدرس بيقوله بنسبه 100% ومش بتستفاد خالص
اقدر اقولك متروحش واقعد فالبيت عادي مفيهاش مشكله
...
العربي .. ياريت تحل كتير جدا عليه .. بس مع نفسك مش لازم مدرس يعني
هات نماذج ثانوية عامه قديمه وحلها مره واتنين وتلاته وعشره .. لحد متطلع اجبتك نسخه طبق الاصل من الاجابه الاصليه ...
وهاتي كشكول كده .. واعملي كشكول للمعلومات المستخبيه بمعني .. ؟
انك قعدتي تذاكري وليكن 5 ساعات .. طلع في ال5 ساعات دول سؤالين مش عارفاهم ..
تكتبيهم في الكشكول ده ..
علي اخر السنه هيكون الكشكول ده بمثابه .. الغطا
هنذاكر عادي .. وهيكون عندنا ثغرات .. ونسد الثغرات بالكشكول ده
.........
ونصيحه لوجه الله .. للمره رقم تسعه وتسعين
الادب يا اخوناا
الادب احفظوه بالنص من كتاب المدرسه يا اخونا
وحلوا كتيييييييييييييييييييير ويكون معاكم نماذج الاجابه وتبصوا فيها ..
...
وبالنسبه للعربي : في استاذ اسمه مدحت فوده منزل امتحانات الثانوية العامة بنماذج اجابتها كلها .. الرسميه
بالنسبه للانجليزي مش هتلاقوا حجات كتير تحلوها : بس متخافوش حلوا من اي كتاب مراجعه نهائيه
وارشح ليكم زا بيست وسنيور في المراجعه
والفرنساوي : منصحكوش فيه بقا كنت حمار فيه
بس جبت 40 الامتحان جه سهل
الكيمياء : تحلوا نماذج الوزاره .. و كتاب المدرسه كلهم كلهم .. كلهم كمان مره
وتحلوا السنين السابقه فيها .. ( كتاب الامتحان هينزلكم من اول 2006 ) ومندليف باين من اول 2002
حاولوا تحلوهم
الاحياء : هيجي مدرس يقولكم هاتوا كتاب ابن النفسي
متسمعوش كلامه كتاب ملهوش عازه
هاتي كتاب الامتحان مراجعه نهائيه وحليه تاني وحلوا الامتحانات الللي فاتت
أهم حاجه تحلوا الامتحانات اللي فاتت في كل المواد مره واتنين وتلاته
والزفياء <3 بقا : كل واحد وضميره
يعني انا مثلا كنت حليت فيها كل حاجه بصراحه
سنين فاتت ونماذج وكتاب المدرسه و كتاب الامتحان شرح والامتحان مراجعه والوسام وهيصه
كل واحد وضميره فيها
وربنا معااااااااااااااااااااااااااااااااكم يارب