السلام عليكم ورحمة الله وبركاته
في البداية جزاك الله خييييرا كثيييرا أخي الكريم
وجعله الله في ميزان حسناتك يوم أن تلقاه
وثبتك على الحق وزادك إيمانا
والله الموضوع ده في غاااية الأهمية
ورأيي فيه كالآتي:
أولا : إنه لابد أن يكون قلبنا متعلقا بالله جل وعلا وإذا كان هناك أي حب أكبر أو أغلى من حب الله فهذا حب شهوة وهوى
بمعنى إنه لازم أي حب يكون نابع من حب ربنا يعني منحبش أي بشر عشان ذاته
نحب ربنا بس عشان ذاته والبشر نحبهم عشان ربنا
ثانيا : حتى حبنا للرسول (ص) بيكون عشان ربنا فقط وحبنا لأهلنا عشان ربنا فقط وحبنا للطرف الآخر الولد أو البنت يكون عشان ربنا
طب قلولي بقه هل دلوقتي الولد والبنت بيحبوا بعضهم عشان ربنا إستحااااااالة طبعا يبقى أكيد بيحبوا بعض أكتر من حبهم لربنا
بدليل إنهم ممكن يقصروا في أي حاجة تجاه ربنا وميبقاش همهم لاكن كل تفكيرهم وشغلهم الشاغل حبهم لبعض
بصراحة إحنا هنضحك على نفسنا لو قلنا إن في حب في الدنيا دي أو في إللي بيحصل اليومين دول مفيهوش معصية لربنا
لأن أي علاقة بينهم أكيد هيكون فيها كلااام حلو أو نظرات صح ؟؟
وأكيد بيسمعوا أغاني يبقى كلها معاصي بيعملوها لو فكرنا شوية
هل الصحابة كانوا بيحبوا بعض حب محترم ؟؟ حاشاهم طبعا وعلى فكرة لازم يكونوا قدوتنا لأننا عمرنا مهنوصلهم طبعا
في بعض الناس فاكرين إنه الحب حلال ......... للأسف
إللي حلال هو إن الواحد يحس إن فلانه كويسه يتقدملها ويتجوزوا ويحبوا بعض
مش يكلمها وتكلموا ويبصلها وتبصلوا وفي الآخر يقولوا إحنا مبنعملش حاجة غلط
سبحان الله !!!!!!
فاكرين إن ربنا يرضى بكده ؟؟ يبقى معرفوش ربنا كويس
لما يعرفوا ربنا الأول يبقى يقولو إللي بيعملوه صح ولا غلط
معلش أنا طولت بس مقولتش كل إللي هقولوا
عموما أنا هكمل إن شاء الله ف رد تاني
__________________
" يا أيها الناس قد جاءكم برهان من ربكم وأنزلنا إليكم نورا مبينا * فأمّا الذين آمنوا بالله واعتصموا به فسيدخلهم في رحمة منه وفضل ويهديهم إليه صراطا مستقيما "
|