[الباحث عن المستقبل]

المشاركة الأصلية كتبت بواسطة muhammad mando

بما انك لسا فى تالته اعدادى ماتخليش حد يعقدك ويقولك مواد الازهر كتير لان الثانوى اكتر من الاعدادى بس بصراحه من السهل انك تقفلها لان العربى والشرعى كله عليه اكتر من 50 فى الميه ومعظم الناس الحمد لله بتجيبهم بسهوله وماتسيبشى منهم غير يمكن 1 فى المية وعندك مستوى فى تالته بيلملك 2 فى الميه غير كدا نظام امتحانات الازهر فى الثقافى معروف واى استاذ شاطر شوية ممكن يتوقع نظام الامتحانات لانه زى مايكون حافظ المسائل وعليك بكتب المعهد بينقلها حتى لو المسأله مكتوبة غلط غير كدا انت متاح ليك فى تالته انك تجيب طب او هندسه او صيدله براحتك لان مافيش علمى علوم وعلمى رياضة ومذاكرة المواد الكتير والله مافيه اسهل منها هى اللى بتبان انها كتب كتير اوى بس الامتحان مابيجيش عميق زى ماانت فاكر ومعقد خصوصا فى الاعدادى وفى كل سنين النقل واوعى حد يخوفك او يخليك تيأس من كتر المواد

المشاركة الأصلية كتبت بواسطة mohamed-khalaf

بص انت اعمل زي مقلك ماندو كده ** طبعا احنا بنستفيد من خبراته ** بس في حاجة عايز اقولهالك متجهدشي نفسك قوي دلوقتي خد الامور ببساطة يعني كل ما عليك انك تحفظ كم كبير جدا من كلمات الانجليزي وتفهم قوانين الرياضة كويس بس هوه ده اللي حينفعك في الثانوية اما بالنسبة للمواد العربية والشرعية فمذاكرتها بتختلف من المرحلة الاعدادية عن المرحلة الثانوية كل ماعليك في الفترة دي انك تروح المعهد يوم بيوم وتتابع شرح المدرسين وتذاكر وراهم اول باول مذاكرة المواد دي تقريبا بتعتمد اعتماد كلي علي الحفظ وشوية فهم قليلين بس كده ومتفكرش في الثانوية دلوقتي شيلها من دماغك خالص خدلك يومين دلع شوية علشان مجهودك كله حيكون في تالتة ان شاء الله ويا عم لما تروح الثانوية احنا حنبقي معاك هنا ان شاء الله وتحت خدمتكم في اي وقت

شكرا على الرد على طلبى وهحاول معقدش نفسى من المواد وربنا يعينكم ويعينى