[shehap bakkar]

المشاركة الأصلية كتبت بواسطة nourhan_nono

احسن وقت بالنسبالى بصراحة وقت الفجرية ( بس للاسف انا بطبعتى نومى ملغبط جداا فنادرا اما اكون صاحية الوقت دة )
بعدين الموضوع دة نسبى بيختلف من شخص لشخص انت ممكت تجرب كذا وقت تذاكر فيه
و شوف هترتاح لانهى

يعنى انا شخصيا بصراحة مش من عشاق السهر علشان المذاكرة
بحب ازاكر الصبح احسن
غيرى ما بيعرفش يزاكر غير باليل او انه يفضل مطبق للصبح ( بس الموضوع دة علميا غلط على الصحة و التركيز )

يعنى انت ممكن تجرب او اعتقد انك تعرف من السنين اللى فاتت بتحب تذاكر فى انهى وقت

ثانيا مفيش طريقة مذاكرة حلوة و طريقة مذاكرة مش حلوة
دة بيكون على حسب الشخص اللى بيذاكر
يعنى انا عن نفسى مش بعرف ازاكر غير و انا بتكلم بصوت عالى ( لا قصدى و انا بتخانق مع الدرس )
غيرى مابيعرفش يذاكر و هو بيتكلم فى ناس بتحب تذاكر و هى فى صامت رهييييب
و انا بحسدهم بصراحة لانى انا كدة عقبال اما اخلص ثانوى هيكون صوتى راح
شوفى بقى بتحب تذاكر بانهى شكل من دول و خد بالك من الكم نقطة اللى هقولهم دول

اول حاجة لازم تنقى وقت للمذاكرة تكون اكثر وقت بتحس انك مركز فيه و تقدر تستوعب كويس
( و غالبا الوقت دة بيكون اول ماتصحى من النوم ) بيكون لسة الذهن صافى

ثانىا حاجة تذاكر بالورقة و القلم بذات الحاجات المهمة زى القوانين او التعريفات .... الخ ( الحاجات اللى تحس انها محتاجة انها تتحفظ فعلا )

ثالثا خد بالك من المصدر اللى بتذاكر منه لازم يكون محل ثقة وكاااامل و مش ناقص ولا معلومة
اقصد من كلامى بلاش تذاكر من حاجات متلخصة
احنا لسة اول السنه و بنقول يا هادى يعنى لازم نفهم و نذاكر كل معلومة

رابعا لازم تحل على اللى انت ذاكرته ... الحل هيثبت المعلومة

خامسا لو انت بتحل وارد جداا انك تحس انى الكلام دة شوفته قبل كدة بس مش فاكرة

كمل ولا يهمك حل اللى انت فكراه و الباقى خليه كمان كم يوم اما تذاكر و تراجع على الدرس تانى كويس جدااا

سادسا خليك فاكر انى مفيش حاجة بتتصم من اول مرة او وارد جدااا انك فى حاجات تقف معاك

اوعى تيأس لو فى حاجة وقفت معاك جرب تحلها تانى بكرة او بعد كم يوم كدة هتلقيها اتفه ما يمكن

سابعا اغلى نصيحة بجد

اوعى تضحك على نفسك و تقرا الدرس و تعمل نفسك بتذاكر و انك خلصت الدرس الفلانى

فى فرق بين القرايه و المذاكرة اللى هى الحفظظظظظظ يعنى بعد اما تخلص مذاكرة فعلا المفروض
تقفل الكتاب تمام و ترص اللى الحاجات اللى انت حفظتها
سواء شفوى او كتابه
او الاتنين مع بعض

هى دى المذاكرة و انك ماشى صح
و كمان فى امتحانات المدرسين بتعملها هتبين اذا كانت ذاكرت كويس ولالا

و متنساش المراجعة المستمرة و التكرار دة اهم حاجة هتثبت المعلومة

ما بعرفش اذاكر غير بالورقه والقلم وعلشان كده بكون بطئ قوي في الحفظ فبزهق يعني لما احفظ من غير كتابه بحس اني مش حافظ كويس او كروت علشان كده بكسل لاني بحس بالطئ