[mohamed basiouny]

السلام عليكم
مساء الخير
جمعة مباركة علي الجميع )
==========
النهاردة هنتكلم علي قواعد وقوانين التعامل مع اللاوعي
هحاول اختصرهم واركز في اهمهم
وكل قاعدة هنحاول نشرح معها نصيحة )
==========
1.
إن اللاوعي لا يستطيع التفرقة
بين ما هو واقع وبين ما هو خيالي وغير واقعي
مثال : تخيل انت لوحدك وبالليل
قاعد قدام التلفزيون بتتفرج علي فيلم رعب
او اي حاجة فيها نوع من الإثارة
هتلاقي نفسك في إحساس خوف تكون لديك
واحساس بال gush of Adrenaline
ده حتي ممكن يستمر معاك الشعور بعض الوقت
وانت داخل تنام ، رغم ان فعلياً الموقف مش حقيقي
دي مجرد حاجة انت شوفتها
بس ده حصل لانك ضغطت علي زر الخوف
وشغلت البرنامج بتاعه وبالتالي تصرفك كان بالشكل اللي ظهر ده !

لذلك نصيحة
وقت يكون عندك مثلا امتحان او رايح شفوي
او رايح تعمل مقابلة مهمة
تخيل نفسك قدام المرآة او تخيل نفسك في الموقف
وابدأ تصرف هتعمل اية وهتقول اية ولو اتسآلت كذا هقول اية
ولو اتقالي كذا هتصرف ازاي
جرب تعمل كده مرة واتنين وتالتة
قبل ما تتحط في الموقف الحقيقي وهتفرق معاك
ناس كتيرة وبالذات الصبايا عندهم شكوي من موضوع Panic
وبغض النظر عن الأسباب فجزء من حل المشكلة
بيعتمد إن سيكولوجياً تحاول تكسر الرابط بين المؤثر
وتلك الشرارة اللي بتنطلق وتنشط الكم العريض من الاعراض
واللي كلها بتكون مش تحت سيطرة الإنسان
لانها نابعة ومسيطر عليها من قبل اللاوعي !
==================
2.
كل فكرة بتفكر فيها ليها رد فعل جسدي
ودي نقطة مهمة
لان مثلا الناس اللي مسيطر علي تصرفهم الغضب
هتلاقي الادرينالين يزيد في دمهم
ويعمل حاجات كتيرة وبتوصل لمشاكل حقيقية
في الحالات الشديدة !
الناس اللي عندهم خوف وقلق وتوتر دايما
هتلاقي نومهم ونبضهم بيختلف من وقت للتاني مش ثابت
بل توصل مع البعض بالذات الصبايا موضوع القلق ده
لامراض متعلقة زي القولون العصبي وزي قرح المعدة وغيره
في قائمة عريضة كده من الامراض تحت عنوان
Stress Induced
وعشان كده النصيحة الثالثة
مش هقولك تخلص من الافكار المتعبة دي
لان ده فعلياً صعب !!
هقولك متخليهاش تغلبك
وانت مقبل علي عمل حاجة مهمة
مش تكون رايح امتحان
وقلق ومتوتر بشكل رهيب
يخليك تنسي كل حاجة
لا كلم نفسك بشكل واثق
وقول الامتحان هيعدي زي غيره
مش هيحصلي حاجة
وحتي لو حصل ودخلت لحد رخم
قول انا عايز اعدي باقل الخساير
تنفس بعمق وارخ رأسك للخلف
وقول لنفسك مفيش داعي لكل ده مفيش داعي
اعمل لنفسك عملية تقليل للحد اللي بيوصلك للاحساس ده
يعني مثلا انت حدك لما يحصلك تاتش مع 3 اشخاص
تتعصب وتتنرفز واعصابك تخرج عن الطبيعي
جرب تعلي بالحد ده شيء بشيء

ولكن ***
في مدرسة تانية بتقول ان الافكار المصحوبة بمشاعر قوية
صعب التغلب عليها بالاقناع وبالحجة
بمعني اية بمعني اني لو إنسان علي اي حاجة ولو بسيطة بتعصب
فلما اكلم نفسي ان مفيش داعي للعصبية
مش هيجيب نتيجة !!
والمدرسة دي بتقول
إن الحل الوحيد مع الحاجات دي هو التخيل
فالتخيل يا جماعة سلاح مهم
انطلق بدماغك بعيييييد سواء بتخيل الموقف او سواء بعيداً عنه
عيش الموقف زي ما قلنا فوق في النقطة 1
===================
3.
كلما بذلت مجهود علي مستوي العقل الواعي
توقع ان النتيجة والرد من العقل اللاواعي
ستكون قليلة ، فالعلاقة عكسية
ودايما لما بيشرحوها
بيضربلك مثال بموضوع الأرق
يقولك انت طول ما بتبذل مجهود وبتحاول تنام
تلاقي نفسك بتفوق اكتر ، كلما ما تحاول تفوق اكثر !!

وعشان كده وقتها وقت الأرق أو أي موقف Distressed
تجنب بذل اي مجهود عقلي وواعي وقتها
متركزش وتقعد تحاول وتغصب نفسك علي النوم
لا ريح بالك خالص وفكر في اي شيء آخر
ستجد ان النوم سيصبح اسهل
طبعاً الكلام ده فعلياً مش بيحصل بالشكل ده بالضبط
بالذات إن مشاكل النوم أكثرها في الجزء الخاص
بال Maintainence وليس Initiation
ولكن في كتير بيبقي عندهم ميكس بين الاتنين !!
وفي فرق بين إن أرق فقط
والأرق فقط ممكن يحصل لعدة أسباب
وأوقات بتكون حاجات صغيرة الواحد طول ما هو مشغول
بواقعيته ووعيه مش بيهتم بها
ولكن وقت العقل الواعي Relax تبدأ تطفو من داخل اللاوعي
ولا هل هو أرق نتيجة لقلق ؟
ودي تشمل الجزء الأول لما يبقي Exaggerated
ودي اصعب لان ان كانت عملية الاستدعاء بتبقي لاتلقائية في النوع اللي فوق
فهنا انت بتخضع للدائرة الكاملة الخاصة ب
( افكار وتراكمات === تفكير=== قلق === أرق )
فلك أن تتخيل ان الدايرة دي بأكملها لا إرادية وبتدخل فيها لا تلقائياً وبتشتغل لوحدها او لاسباب مختلفة ، المهم إن الأرق بتاعها سييء للغاية !
==================
4.
أي فكرة ما متي قبلتها ومرت من علي العقل الواعي
وتقبلها وارسلها للاوعي
فستثبت مكانها ولن تتحرك إلا بفكرة آخري
تكون مماثلة في قوتها وفي ثباتها

ستصبح عادة ثابتة في تفكيرك
وبالتالي طبيعي جدا كلما طالت مدة الفكرة دي ومعرفتك بيها
وتعرضك لها كلما صار التخلص منها وصارت زحزحتها اصعب

وبالتالي احنا عندنا الفكرة هتولد احساس
هيولد فعل هتعمله معبر عن الاحساس ده

وبالتالي من أولها كده ، اختار افكارك
تحكم في اللي يعدي واللي ميعديش
اختار اللي يبقي في اللاوعي
عشان مش تيجي بعد كده تشتكي
انك مش عارف تتخلص من العادة ما
متربطش نفسك بأفكار هتتعبك !
ابعد عن الحاجات اللي هتولد جواك
ردود فعل متعبة بالنسبة لك
حتي لو عدت ، بلاش توصلها انها تعطي احساس جواك
احرمها من انها تكون المثلث الكامل بتاعها
استبدلها بالافكار الحلوة اللي بتجذبك وبتفرحك
افضل عيد وزيد علي الافكار وحاول يبقي عندك اصرار عليها
زي ما بيقولوا في الامثال “ الزن أمر من السحر “
اللاوعي في ميزة ان زي ما قلنا أمس
انه مش بيفكر بيقبل الامر علي علته
هتفضل تعيد وتزيد في الفكرة هيقتنع بها وهثبت
دور علي اثباتات لعقلك الواعي عشان يخلي الفكرة تمر وتعدي للاوعي
طالما انت بتلاقي اثبات ، عقلك الواعي هيقتنع وده هيبقي في صالحك

زي المثل اللي كنا قلناه فوق :
تخيل الفكرة بذرة وانت بتزرعها
جوا التربة اللي هو اللاوعي
وعمال ترويها مياة عشان تنمو وتثمر
الماء هنا هو التكرار
===================
5.
ان اللاوعي معندوش احساس دقيق بالوقت
عشان كده لما بتكون مندمج في حاجة حلوة
وبتحبها ومستمتع بيها
بنلاقي نفسنا دايما بنقول ياااه
الوقت عدي بسرعة علينا محستش به

وعشان كده حاول تندمج في اي حاجة بتحبها
حاجة تخليك معاها حتي النخاع
وقتها اللاوعي بيكون مسيطر ومش هتحس بالوقت فعلاً
وإحساس الملل هتلاقيه إلي حد ما بيقل عندك
###################################
انتهي )