[محمد محمود بدر]

صورة نادرة لكنيسة البازيليك في مصر الجديدة



البارون امبان ..... الامير البلجيكي اللي أسس مصر الجديدة ..... أول ما بناها ...... بنى القصر بتاعه قصر ابارون ...... والكنيسة بتاعته اللي فوق دي ..... كنيسة البازيليك وهو مدفون فيها حاليا البارون الاب وابنه البارون التاني ......... وأرض سبق الخيل لأن البارون كان غاوي سباق الخيل وهي حاليا المريلاند وروكسي وشارع السباق لغاية جسر السويس ..... انا زمان وانا طفل شفت اسطبلات الخيول مكان المشتل حاليا عمارات جسر السويس ........... وكان فيه نفق تحت الارض في شارع البارون حاليا بيوصل بين القصر والكنيسة والمريلاند ...... اكتشفوا النفق ده وهما بيعملوا مترو الانفاق ....... الكلام ده سنة 1906 وفي الصورة البيوت اللي بناها ميدان الجامع حاليا ..... وبعدها أسس مترو مصر الجديدة سنة 1912 والركوب مجانا علشان يشجع الناس تسكن في مصر الجديدة ....... الشبراوي فتح مطعمه سنة 1950 ....... وماكدونالد وصل مع الانفتاح سنة 1976

الكنيسة بالطراز المعماري البازيليكي .... نسخة طبق الاصل من كنيسة أجيا صوفيا ..... البارون كان مهندس معماري ...... وعمل مئذنتين جامع في المباني اللي في الصورة ...... علشان منظرها من ورا الكنيسة يبقى زي كنيسة ايا صوفيا لما العثمانيين حولوها مسجد ايا صوفيا ....... وده سبب اسم .... ميدان الجامع ..... مش الجامع الحالي وسوق الجامع لأ ...... جامع ايا صوفيا بشكله المعماري بتاع البارون