[..Just Stop]

بجد انا عاهدت نفسى انى مش هسيب المنتدى الا للضرورة القصوى
دا منتدى غالى عليا بجد برغم انى ساعات مش بطيقه
عاتى عاتى:D

اهلا يا حنان عاش من شافك
وايه هيا الضرورة القصوى بقا من وجهة نظرك
وغالى علينا احنا كمان عاتى عاتى فى المعاتى:D

منورة يا حنان

السلام عليكم ورحمة الله اخوتي في الله
انا الحقيقة جذبني اولا عنوان الموضوع
لك جزيل الشكر لطرحه وفتح باب المناقشة

اولا انا هبدأ بمثل شعبي كدا بنستخدمه كتير في حياتنا بس يمكن الغالبية مش بتفكر في معناه

(( الزن ع الدماغ امر من السحر))

السبب الاول لترك الاعضاء للمنتديات هو ان يكون عضو معين قاعدله ع الواحدة ومزهقه لدرجة انه اول ما بيدخل لو لقاه في المتواجدين ممكن يكره نفسه .
ثانيا ان اغلب اللي بيسيبوا المنتديات من الاعضاء بيكونوا بنات ......وطبعا لان البنت بتلتزم لنفسها بحدود معينة في التعامل مع الجنس الاخر لو حست ان الحدود دي حد قرب منها او ابتدت تدخل في مجرى اخر بيبقى فيه صراع بينها وبين نفسها بين ترك المكان او الاستمرار فيه وتجاهل ما يحدث
وعلى فكرة في ظاهرة غريبة جدا ان لو شاب مثلا رد كويس على موضوع لاي بنت ومدح في الموضوع او في اسلوب العضو
هنا بقى تشتغل النفوس الضعيفة
اللي يقول دا معجب.....ولهان.....وشكلهم مظبطين
وما اكثر النفوس الضعيفة في مجتمعنا

فدا يخلي اي حد بيتعامل بحسن نية يتظلم ويتاخد في الرجلين

ثالثا ممكن يكون فعلا الشخص دا مضطر انه يسيب المنتدى لظرف مش هيقدر يصرح بيه لحد وفي نفس الوقت مش عايز يخرج بدون ما يسلم ع الناس اللي حبهم وحبوه فيعمل موضوع انه هيغادر المكان دا علشان تفضل الناس فكراه وكمان ما يبقاش زعل حد منه انه خرج فجأة.

رابعا ان ممكن العضو يصيبه فتور من منتدى معين بسبب مثلا تدني مستوى الموضوعات وزيادة الاعضاء التافهين ودا بيظهر كتير في الاونة الاخيرة بس طبعا يمكن بيقل في المنتديات التعليمية.

يعني خلاصة الحديث ان انا قصدي اننا نلتمس الاعذار لاي عضو ترك منتدى ما..................لان فعلا الانسان اللي بيعتاد على مكان بيبقى صعب عليه انه يسيبه فالحكاية مش سهلة .....ولما يلاقي الناس اللي بيعزهم بيلحوا عليه في الرجوع بيضطر يتخلى عن قراره غصب عنه

والسلام عليكم ورحمة الله


سبحانك اللهم وبحمدك
اشهد ان لا اله الا انت
استغفرك واتوب اليك

وعليكم السلام ورحمة الله

بجد كلامك رائع ومنطقى ومقنع
اخجلتم تواضعنا
يعنى حضرتك جيبتى اسباب رئيسية لسبب المغادرة

ربنا يهدينا
وشكرا على المرور الجميل دا