[lolita ,,]

المشاركة الأصلية كتبت بواسطة That Moment

ياجماعة حد لحق يخلص مراجعة المنهج؟

انا ملحقتش اعمل غير انى راجعت 7 وحدات وفصلين قصة وقربت اخلص التالت وحليت شوية ترجمة واختيارات عامة على المنهج وفايند ذا مستيك ...طبعا انا كده خلاص مش حلحق اخلص المنهج يدوب ممكن اقدر اضيف شوية.............انا اللى مطمنى شوية انى قبل اسبوع العربى (اللى مسكته هو لوحده بس من الأحد للأحد) كنت مخلص مراجعة انجليش مع نفسى دى غير المراجعة الاولى اللى كانت مع المستر

ايوة انت المفروض كان فعلا تخلص مراجعة الـيونيتات كلها والتشبترات كلها قبل ماتمسك العربي لإن إحنا كنا فعلا هنتزنق علشان مقدمناش غير يوم ونص بس ..
المهم دلوقتي أنت هتقدر تراجع بص هتعمل إيه .. انت أنجزت اصلا يعتبر ..
هتمسك ال8 يونيتات التانيين .. بس مش هتمسكهم بذمة اوي .. شوف إيه أهم الكلمات والتعبيرات إللي كنت بتقع فيهم .. ولو كنت بتمتحن عن المستر بتاعك شوف كنت ناقص فـ إيه .. واقري الجرامر قرايه كده ..
وبعدين امسك الـstudent book , the best وات إيفر الملخص كان إيه .. تمسك اليونيت إللي ذاكرتها وقريت كلماتها تشوف انت كنت واقع فـ إيه فـ المستيكس والتشوز وكدهه ..

تيجي عند القصة بقي دي مهم جدًا .. فاضلك 6 شباتر .. هتعمل نفس الحكاية تقريبا .. هتمسك التشبتر تقراه كله قرايه .. ولو عندك قلم ماركر او وات إيفر قلم إيه .. بس تعلمم علي مين قال لمين .. وبعدين تحل شويه ع التشبتر ده من الملخص إللي عندك .. أستمر علي كده

بص اليونيت الواحد مياخدش فـ إيدك أكتر من نص ساعة علشان احنا مزنوقين .. ربع ساعة قرايه الجرامر والكلمات والتعبيرات .. وربع ساعة تشوف غلطاتك كانت فـ إيه ..

التشابتر قرايه واسئلة وحله مياخدش اكتر من ساعة إلا ربع بظبط ..

هتكون مخلص المنهج كله قبل الساعة 5 الفجر .. هتنام وهتصحي الساعة 8 ..

ربنا معاك ي رب أكون أفدتك